web counter
LEXO PA REKLAMA!

SHKARKO APP

App Store
Google Play

E fundit!

x

Peleshi në Dërsnik/ Nën drejtimin tonë fshati shqiptar në nivel shumë të mire

24 Mars 2021, 09:23, Politikë CNA

Në turin e takimeve për zgjedhjet e 25 prillit i ndalur në fshatin Dërsnik, ministri i Mbrojtjes, Niko Peleshi kërkoi mandatin e tretë qeverisës si një mundësi për tu dalë përpara problemeve dhe për tu dhënë zgjidhje.

Për Peleshin, zgjidhja e çështjes së ujit të pijshëm dhe atij për vaditje, por edhe çeshtja e pronësisë së tokave në këtë fshat tregon vizionin që ka Partia Socialiste në pushtet, për të ngritur zonat rurale në një tjetër nivel jetese.

?Ne po kërkojmë një mandat të tretë dhe nuk e duam për të qënë në pushtet por ne mendojmë që e meritojmë, pasi po ta krahasojmë fshatin shqiptar me atë që gjetëm besoj se jemi në një nivel shumë të mirë. Kur erdhëm në pushtet në 2013 nuk ishte as problemi i ujit i zgjidhur, as problemi i ujit për vaditje i zgjidhur, as problemi i pronës, jo i zgjidhur por ishte në një hall të madh pasi ligji dhe aktet nënligjore nuk i jepnin zgjidhje problemit të pronës. Këto tre gjëra që janë kryesore tani janë futur në rrugën e zgjidhjes në përgjithësi për fshatin shqiptar. Këtu në Dërsnik, ujësjellësi është në mbyllje, kështu që problemi i ujit të pijshëm zgjidhet. Nga krahu i majtë i Gjançit përfiton ujë për vaditje. Çështja e pronës me vendimin që merret këto ditë me bordin e kadastrës fillon hedhja në sistem në fshatin tuaj. Kadastra në Korçë po punon me shpejtësi të madhe. Çfarë trashëguam që ishte një mal me paqartësi dhe me mungesa zgjidhjesh ligjore tani është zgjidhur. Ne kemi zgjedhur këtë lloj fushate për ti dalë përballë problemeve dhe siç kemi zgjidhur disa gjëra hajde ti zgjidhim edhe të tjerat. Kjo është fushata jonë, unë dua të vij përsëri këtu me zgjidhje?- theksoi veç të tjerash Peleshi.





Lajmet e fundit nga