E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

Grida në sulm kundër Berishës dhe Bashës

24 Mars 2021, 11:01, Politikë CNA

Grida Duma është një politikane e katapultuar në sferat e larta të Partisë Demokratike, pas shumë lidhjeve të saj okulte apo intrigave të vogla për të mundur të jetë në krye, megjithëse kontributi i saj në momentet e emërimit si zëvendësministre dhe detyrave të tjera ishte zero.

Grida Duma vinte si zëvendësministre e Sali Berishës, pas shumë skandaleve dhe hetimeve nga prokuroria në lidhje me pronat e saj dhe investimeve që në moshë të vogël.

Më tej u përfshi në lidhje të dyshimta me ish bankierin Artan Santo, më pas gjatë kohës që u bë deputete plasi edhe skandali i G.D me Ervin Salianjin e kështu me radhë.

Por, të gjitha këto zhurma dhe skandale nuk kanë ndikuar në tërheqjen e saj, por ajo ka ecur vetëm përpara dhe është përpjekur t?i shkelë më këmbë duke përdorur sharmin e saj dhe gojën plot lëng të shumë meshkujve që e shohin si një femër të bukur apo shumë femra që gjuhën e saj të gjatë e quajnë vlerë për të ecur përpara.

Këto, Grida i di mjaft mirë dhe tani ka zgjedhur të ketë një sfidë të hapur.

Sfida e saj është Lulzim Basha dhe Sali Berisha.

Ka pasur disa momente përplasje me Bashën, ulje dhe ngritjet e saj, por këtë herë duket se po ecën përpara. Ajo ka marrë në patronazh, pra për të drejtuar një zonë shumë të gjerë, zonën e Kavajës dhe Rrogozhinës, të cilat njihen si bastione të PD, Kavaja sidomos me një përqindje maksimale.

Atje për shumë vite ka kandiduar lideri historik i PD, Sali Berisha.

Grida Duma, ka shkuar me një sfidë të hapur, të marrë më shumë vota se Sali Berisha në Kavajë, vota personale, pasi Grida është në të njëjtën listë në qarkun e Tiranës me ish kryeministrin dhe ish liderin historik të PD.

Nga ana tjetër Grida po përpiqet në mënyrë të vazhdueshme të sfumojë edhe Lulzim Bashën.

Qëllimi i saj është që të ketë më shumë vota në qarkun e Tiranës, sesa kreu demokrat duke përdorur hapësirën që i japin mediat dhe rrjetet sociale, dhe duke kërkuar votë personale pafund, një votë kjo, e cila mund të bënte që Grida të qëndronte mbi Lulin e në rast se do të kishte më shumë vota se Sali Berisha në Kavajë, askush nuk do të kishte çfarë t?i thoshte.

E në rast se mund të siguronte një votë më shumë se Lulzim Basha do të ishte trashëgimtarja e fronit, apo do të kapte drejtimin e PD pas zgjedhjeve, në rast të humbjes së Lulzim Bashës, për të cilin Grida dhe disa personazhe të tjera në PD si bashkëpunëtorë të saj, por edhe eksponentë po punojnë maksimalisht kundër tij.

Po kërkojnë votë personale, por gjithmonë duke pritur që Basha të humbë për të marrë drejtimin e opozitës, me shpresën se më tej Rama do të binte shumë shpejt, pasi një mandat i tretë do të ishte mjaft i vështirë për t’u vazhduar.

Grida Duma po përdor disa struktura të saj siç janë, një grup ?Grida Duma funs club?, një grup mjaft aktiv në mbrojtje të Gridës, me shumë personazhe, gjithashtu edhe me ?fake news? apo edhe me raporte dhe njerëz që shkruajnë dhe sulmojnë këdo që kritikon Gridën.

Janë disa të rinj që Grida shpesh iu është drejtuar edhe me video-mesazhe.

Kujtojmë pak kohë më parë mesazhin që i dërgonte nga shtëpia e saj grupit të fansave, duke shkuar më tej tek një grup të rinjsh të cilët janë ?call center?, apo byrektorja e Gridës që funksionojnë si një qelizë e pavarur të cilët Grida i ka vetëm për një qëllim: Të arrijë të ketë një rezultat maksimal votash personale, pa llogaritur këtu asnjë nga femrat e listës së PD, duke tentuar që të jetë mbi këdo nga zonjat që garojnë në listën e PD në qarkun e Tiranës.

Duke qenë një qark i madh ka dhe edhe një mundësi maksimale votash.

Nga ana tjetër të ketë më shumë vota se të gjithë të tjerët, pra duke sfiduar edhe vetë Berishën në Kavajë apo edhe Bashën, çka do të bënte që Grida më pas të kishte një hap tjetër në karrierën e saj politike, të ishte përballë Bashës apo duke kërkuar largimin e këtij të fundit për të marrë drejtimin e PD.

Kujtojmë këtu se pak kohë më parë Grida Duma filloi mjaft kritika të drejtpërdrejta ndaj kreut demokrat, kur ky i fundit filloi ta mbante në distancë.

Por, zonja Duma diti të luante fort dhe më pas të rezistonte pas zgjedhjeve brenda PD, ku hyri në kryesi pas dorëheqjes së Salianjit megjithëse nuk u votua.

Tashmë Grida ka vënë mend, sfidat i ka të hapura përballë Berishës në Kavajë , përballë Bashës në rang kombëtar për të siguruar më shumë vota, se çdo zonjë tjetër në listën e PD, që të mundet të jetë alternativa e nesërme e opozitës./CNA.al