web counter
LEXO PA REKLAMA!

SHKARKO APP

App Store
Google Play

E fundit!

x

Basha bisedë me kreun e PPE/ Zgjedhjet e 25 Prillit jetike për shqiptarët

24 Mars 2021, 10:22, Politikë CNA

Kreu i Partisë Demokratike Lulzim Basha ka realizuar një bashkëbisedim online me kryetarin e grupit të madh parlamentar në Parlamentin Europian atë të Partisë Popullore Europiane, Manfred Weber.

Basha theksoi se shqetësimet kryesore të shqiptarëve sot janë gjendja e rëndë ekonomike, kostoja e lartë e jetesës, papunësia dhe emigrimi.

?Qytetarët janë të zhgënjyer pas 8 viteve të qeverisë Rama, 8 vite ngecjeje në vendnumëro në procesin e Integrimit Europian dhe duan ndryshim. Por shqiptarët sot e dinë se ndryshimi do të vijë vetëm kur Shqipëria të bëjë progres në procesin e integrimit në BE. Fatkeqësisht në këto 8 vite, vendi nuk ka bërë progres por madje ka shënuar hapa mbrapa sa i përket nivelit të  korrupsionit, luftës kundër krimit të organizuar dhe shtetit ligjor. Prandaj sundimi i ligjit, lufta kundër korrupsionit dhe krimit të organizuar, janë parakushte për të ecur përpara në procesin e integrimit, parakushte për të përmirësuar jetën e shqiptarëve dhe për të rritur mirëqenien e tyre?, u shpreh ai.

Ndërkohë Manfred Weber theksoi se është gjithmonë mirë të dëgjojmë se reformat e përcaktuara nga BE janë garanci për të ardhmen europiane për Shqipërinë. Ai theksoi se zgjedhjet e 25 prillit janë jetike për të ardhmen europiane dhe integrimin europian të Shqipërisë./ CNA.al





Lajmet e fundit nga