web counter
LEXO PA REKLAMA!

SHKARKO APP

App Store
Google Play

Funksionalizohet Gjykata e Lartë/ Nisin punën 4 anëtarët e rinj

24 Mars 2021, 13:46, Politikë CNA

Në Gjykatën e Lartë të Republikës së Shqipërisë është zhvilluar sot ceremonia mirëseardhjes dhe fillimit të detyrës së katër anëtarëve më të rinj të trupës gjyqësore, gjyqtarëve Sokol Binaj, Albana Boksi, Sandër Simoni dhe Klodian Kurushi.

Gjatë fjalës së mbajtur me rastin e kësaj ceremonie solemne, Zëvendëskryetari i kësaj gjykate Z. Sokol Sadushi u shpreh se Gjykata e Lartë ndjehet e vlerësuar me ardhjen e katër kolegëve të rinj, të cilët kanë treguar gjatë karrierës së tyre profesionalizëm dhe integritet.

?Zgjedhja që ka bërë KLGJ me emërimin e anëtarëve më të rinj, është një zgjedhje e shkëlqyer, e cila urojmë të vijojë edhe me plotësimin e gjykatës me gjyqtarë të tjerë. Shtimi i radhës së gjyqtarëve profesionistë dhe me integritet sjell pa dyshim përmbushjen me sukses të asaj çfarë kërkon publiku në çdo kohë, besimin tek organet e drejtësisë, në mënyrë që qytetari të ketë mbrojtjen dhe sigurinë maksimale që i jep ligji?- u shpreh Sadushi.

Ai theksoi angazhimin e trupës së Gjykatës së Lartë në kuadër të garantimit të dhënies së një drejtësie të shpejtë, cilësore, kushtetuese dhe ligjore.

Ndërsa Kryetarja e KLGJ Znj. Naureda Llagami u shpreh se ardhja e gjyqtarëve të rinj dhe të kualifikuar në Gjykatën e Lartë, rrit pritshmëritë për një drejtësi sa më cilësore dhe vendimmarrje sa më të shpejtë, për të bërë të mundur evadimin e numrit të lartë të çështjeve që presin të gjykohen./CNA.al





Lajmet e fundit nga