web counter
LEXO PA REKLAMA!

SHKARKO APP

App Store
Google Play

Xhelal Mziu shkon me kalë Dibër/ Qeveria e bashkia kanë kapitulluar, PD do hapë universitet

24 Mars 2021, 16:31, Politikë CNA

Drejtuesi politik i PD në qarkun Dibër, Xhelal Mziu ka udhëtuar ditën e sotme drejt Majës së Ilnicës.

Mziu shprehet se ky fshat është 9 km larg qytetit, por i lënë në harresë nga bashkia, ku prej katër ditësh nuk ka as energji elektrike.

Për të arritur atje, ai shkruan se i është dashur më shumë se dy orë në këmbë dhe një pjesë të rrugës e ka bërë më kalë.

?Nga maja e Ilnicës do të vijë Stuhia (murlani) i fitores! Pas më shumë se dy orësh rrugë në këmbë, arritëm në fshatin Ilnicë. Aty ky njerëzit kanë janë larguar nga mungesa e shtetit! Fshati është vetëm 9 km larg qytetit, por që Bashkia dhe Qeveria e kanë harruar se ekziston edhe në hartë. Rruga e pa hapur, Bashkia nuk ndjehet fare, madje pasi e hapin banorët me lopata shkon fadroma dhe bën foto, duke i kthyer fadromistët në fotografë mashtrues.

Prej 4 ditësh nuk ka energji, ndërsa banorët kanë zbritur në qytet për të karikuar celularët. Qeveria ka kapitulluar! Bashkia është dorëzuar! OSHE një organizatë mafjoze për të vjedhur vota! Kjo është kriminale Pushteti ka braktisur misionin dhe ka dalë të vjedhë vota për të mbajtur bandën në pushtet!Kjo duhet të marrë fund,me 25 prill! Qeveria Basha ka në programin e saj mbështetjen për infrastrukturën, mbështetje për bujqësinë, investime në infrastrukturën turistike. Pagesën e librave për nxënësit, dhe hapjen e Universitetit të Dibrës?, shkruan Mziu./CNA.al





Lajmet e fundit nga