web counter
LEXO PA REKLAMA!

SHKARKO APP

App Store
Google Play

Video-Sulm me armë në SHBA/ 10 të vrarë, i dyshuari në arrest

23 Mars 2021, 07:56, Kosova & Bota CNA

Një person i armatosur ka vrarë 10 vetë, përfshirë një oficer policie, në një treg ushqimor në shtetin amerikan Colorado.

Sulmi përfundoi me arrestimin e një të dyshuari të plagosur, në tregun King Soopers. Të shtënat u transmetuan drejtpërdrejt nga dëshmitarët dhe u transmetuan në YouTube.

Mësohet se ngjarja filloi rreth orës 14:30 (20:30 GMT) ditën e hënë kur i dyshuari hyri në supermarket dhe filloi të qëllonte. Rreth 20 minuta më vonë, departamenti i policisë së Boulder shkroi në Twitter se kishte një “sulmues aktiv në King Soopers mbi rrugën Table Mesa”.

Më pas policia, lajmëroi njerëzit në Twitter rreth dy orë më vonë të shmangnin zonën, The Washington Post ka bërë të ditur që oficeri i qëlluar është Eric Talley 51 vjeç.

Një pjesë e situatës u kap në kamera nga një kalimtar që tregonte viktimat pranë dyqanit ushqimor. Kam dëgjuar të shtëna armësh, dikush është rrëzuar”, bërtet kameramani. “Ka një sulmues, ika”.

LEXO EDHE:  SHBA u jep fund kufizimeve të periudhës Trump ndaj azilantëve

Dhjetra automjete urgjence rreshtuan rrugëve përreth dyqanit të hënën pasdite gjatë një përgjigje masive ndaj asaj që policia tha se ishte një situatë “qitëse aktive” në dyqan.
Dëshmitarët përshkruan një skenë kaotike, me klientët që nxitonin për të dalë në pjesën e përparme dhe të pasme të supermarketit pasi u qëlluan. Një dëshmitar i tha medias lokale se qitësi nuk tha asgjë para se të hapte zjarr.

Në një konferencë për shtyp, shefja e policisë së Boulder, Maris Herold konfirmoi se një i dyshuar ishte në paraburgim dhe po merrte trajtim spitalor. “Dua të siguroj komunitetin se tani janë të sigurt,” tha ajo/CNA.al





Lajmet e fundit nga