web counter
LEXO PA REKLAMA!

SHKARKO APP

App Store
Google Play

“Vaksina ‘Rilindja’ ka vdekshmëri të lartë”/ Lubonja akuza qeverisë: Kush nuk paguan dot, vdes

18 Shkurt 2021, 17:19, Politikë CNA

Analisti Fatos Lubonja, ishte i ftuar pasditen e sotme në News 24, ku komentoi situatën e vaksinimit në vend.

Lubonja theksoi se vaksina Rilindja ka vdekshmëri shumë të lartë, duke shtuar se lënia e vendit në këtë gjendje është kriminale.

?Ka rëndesë, por jo vetëm rëndesë. Unë këtu shoh një situatë, ku vaksina Rilindja bëhet me ritme më të shpejta sesa vaksina Pfizer që mund të na sjellë qeveria kushedi se kur.

Vaksina Rilindja ka vdekshmëri shumë të lartë, dmth vaksinohesh duke marrë virusin. Lënia e vendit në këtë situatë është kriminale. Edhe qeveria italiane e re do që të nxjerrë vendin nga situata e koronavirusit. Ka papërgjegjshmëri për situatën e Covid, por shihen vetëm zgjedhjet, gara për pushtet. Edhe ai popull jemi, që mbyteshim në Adriatik. E shoh situatën shumë dëshpëruese.

Këta bëjnë propagandë, i lënë njerëzit të vdesin dhe në fund mburren sikur janë Skënderbeu. Këtu u la gjithçka në dorë të privatit dhe sistemi na del katrahurë. Sistemi na tregoi se kush nuk paguan dot, vdes. Politika duhet ta ndryshojë, edhe kultura popullore. Politika duhet të japë shembull. Konfuci shprehet se nëse situata prishet lart, poshtë është katastrofë. Rama kur tha për personalitetet e moshuara do vaksinohen, dmth kush është me PS-në.’/CNA.al





Lajmet e fundit nga