E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Përvjetori i Lulit/ 4 vite nga çadra që e shiti tek Rama

18 Shkurt 2021, 09:39, Politikë CNA

Sot shënohen plot katër vite nga 18 shkurti i 2017, kur Luli së bashku me deputetë të tjerë të PD dhe me qytetarët demokratë ngritën çadrën para Kryeministrisë për të rrëzuar qeverinë dhe Edi Ramën.

Kryetari i Republikës së Re, premtoi se nuk do të dilte nga çadra pa rrëzuar pushtetin dhe vendi të shkonte direkt në zgjedhje parlamentare dhe frontin e kryeministrit të vendit ta merrte Luli.

Në çadrën e vitit 2017, kur pasi u tall me demokratët e betohej e stërbetohej se nuk do të kishte zgjedhje. Pas një marrëveshje në 17 maj 2017 me kryeministrin Edi Rama, detajet e së cilës nuk u bën kurrë publike, kreu i Republikës së Re, ndryshoi qëndrim. Jo vetëm që hyri në zgjedhje, por gjatë gjithë fushatës, Ramën e harroi dhe gjithë akuzat i drejtoi ndaj LSI-së.

Rezultati ishte katastrofal për PD-në, por ishte mjaft frytdhënës për xhepin e familjarëve të tij.

Pas marrëveshjes, ?rastësisht? vjehrri i Lulzim Bashës mori 16 milionë euro nga taksat e shqiptarëve, për një pallat të shembur, i cili ishte ndërtuar në rërën e detit Jon, në Vlorë. Për të mos folur më tej, për lulëzimin e bizneseve të kunatit gjatë qeverisjes së Rilindjes.

Tani të presim e të shohim, se cili do jetë ?qëndrimi? ose ?përfitimi? i radhës i kreut të Republikës së re, dhe askush nuk ka pse të çuditet.

Basha është një njeri i pabesë. Këtë gjë e ka treguar fare qartë deri tani, ku nuk ka mbajtur asnjë premtim dhe i ka gënjyer sy më sy demokratët e vërtetë, që e duan partinë pa interes.

Ndonëse sot i ka në koalicion, Basha akuzonte në qershor të vitit 2017, para se rezultati i zgjedhjeve të certifikonte disfatën e tij, LSI dhe PDIU si parti tezgash dhe klienteliste.

Në atë kohë, kreu i Republikës së Re, njësoj si Rama sot, shprehej se parti e Monës dhe Metës nuk do të ishte më në pushtet sepse sipas tij ka abuzuar me pushtetin dhe se nuk do të kishte asnjë herë pazare me PD.

Por ndodhi krejt e kundërta, 18 muaj pasi Basha tha këto fjali. Ai jo vetëm që nuk e mbajti premtimin me të cilin iu drejtua demokratëve dhe mbështetësve të tij, por sot ai është në një koalicion me këto parti, që deri dje ishin klienteliste.

Ndërkohë që na ndajnë më pak se dy muaj nga mbajtja e zgjedhjeve, Basha del para mbështetësve të vet me premtimin se do ta rrëzojë qeverinë sëbashku me partitë klienteliste dhe abuzuese me pushtetin.

?Me Partinë Demokratike, me opozitën, me Republikën e Re, LSI-ja nuk ka më asnjë shans të hyjë në matrapazllëqe dhe pazare. Çdo demokrat i tjetërsuar, i skllavëruar me teserën e LSI-së, apo me vend pune nga LSI-ja, tani ka shansin të rikthehet në shtëpinë e tij. Çfarë kanë arritur ata te PDIU për të drejtat e komunitetit çam?

Më thoni një gjë që kanë arritur. Drejtorinë e Sigurimeve Shëndetësore. PDIU-ja e Idrizit është një kopje e zbehtë i LSI-së, që ka parë modelin e një partie klienteliste dhe ka ndërtuar modelin e vet klientelist. LSI Shpk, PDIU tezgë. Janë parti Shpk, janë parti tezgash.

LSI nuk do të jetë në pushtet sepse ka abuzuar me pushtetin. Jo vetëm në këto 4 vite, por në 8 vite ka ndërtuar modelin e një partie klienteliste, pa axhendë, pa program që ngjitet pas çdo koalicioni, vetëm për të kapur vende pune dhe i paraprin fushatave me para në dorë.

Ky model do të marrë fund, LSI-ja është bërë simbol i këtij modeli, LSI-ja nuk do të jetë në pushtet pas datës 25 qershor, kjo është 1000% e sigurt. Koalicioni që unë drejtoj do t?i fitojë zgjedhjet dhe ne do të qeverisim sipas një modeli që kurrë më nuk do të ketë vend për aleanca klienteliste dhe matrapazllëqe..Modeli i LSI-së po ndëshkohet dhe do ndëshkohet me votë.

LSI ta ketë të qartë se koha e matrapazëve në politikë që shkojnë sa andej këndaj shit klyshë e bli qen merr fund në 25 qershor. Nuk ka më. Ndaj të gjithë ata votues që jeni tunduar me teserat e partive të pazarit që ua kanë dhënë për tu mbajtur peng, dijeni se votat për këto parti janë vota të hedhura në det, kurrë më pazari ?bli klyshë e shit qen? nuk do ecë me PD?, tha Basha në qershor të 2017./CNA.al

Basha pabesi ndaj demokratëve/ Dje akuzonte, sot do sjellë në pushtet “shushunjat” LSI-PDIU

Video-Çfarë ka thënë Basha për LSI dhe PDIU/ Nesër do të qeverisë me ?shushunja?

Lulzim Basha futet në çadër pas dy vitesh

Basha, në çadër apo në zgjedhje

Marrëveshje Rama-Basha? Një tjetër provë që tregon bashkëpunimin mes palëve

Basha tjetër pazar me Ramën?/ Asnjë qëndrim për ndryshimet Kushtetuese