2 vjet nga djegia e mandateve/ Si i mashtroi Basha demokratët

18 Shkurt 2021, 10:06, Politikë CNA

Ditën e djeshme, 17 shkurt u bënë dy vite nga djegia e mandateve të opozitës.

Dy vite më parë kryetari i PD, Lulzim Basha dhe kryetarja e LSI, Monika Kryemadhi, pas një vendimi të nxituar dogjën mandatet e deputetëve.

Pas djegies së mandateve, Basha mbajti një fjalim në selinë e Republikës së re ku u shpreh se Edi Rama kishte rënë, qeveria ishte rrëzuar, vendi nuk kishte kryeministër dhe fitorja ishte e sigurtë.

Por le të kthehemi dy vite para, çfarë ndodhi në 17 shkurt të vitit 2019.

Lista e PD-së nuk i dorëzoi të gjitha mandatet, ashtu si edhe ajo e LSI-së. Disa deputetë qëndruan, Lefter Koka, Rudina Hajdari, Myslim Murrizi, dhe gati pesëdhjetë të tjerë u futën në parlament. Pra, nga lista vazhduese e Partisë Demokratike dhe LSI-së. Më pas filluan protestat e dhunshme , me gaz lotsjellës dhe molotov ndaj institucioneve. Në rreth 12 protesta të zhvilluara nga opozita u tha se qeveria kishte rënë.

Më pas, në 30 qershor Basha nuk hyri në zgjedhjet lokale duke i falur kështu Edi Ramës 61 bashki në tavolinë. Pra, me djegien e mandateve dy vite më parë, Rama mori nga Luli mazhorancën kushtetuese dhe 61 bashki dhuratë. Megjithëse Luli premtoi se do të kishte përballje në çdo qendër votimi dhe se Shqipëria do të ishte flakë e zjarr, zgjedhjet ishin shumë të qeta.

Më tej, Lulzim Basha la pas protestat duke i gënjyer shqiptarët se do të kishte zgjedhje në tetor, me një ç?dekretim dhe një dekretim të ri nga presidenti Ilir Meta. Në finale nuk ndodhi asgjë, Basha dështoi.

Pas disa muajsh pushim pamë një Lulzim Bashë të zbutur, i cili pas tërmetit të 26 nëntorit, tregoi një sjellje si të ishte anëtar i Shtabit të Emergjencave Civile të Edi Ramës. Pas tërmeti, Basha filloi të ndryshojë fytyrën, duke shkuar shtëpi e rrënoja më rrënoja dhe jo për shkak të dëmeve, por për shkak të kompanisë menaxhuese të imazhit të tij, e cila po përpiqet shumë, por Luli dhe gomari nuk thinjen as nga mençuria dhe as nga përkushtimi, thjesht ngelen siç janë.

Dy vite nga diegia e mandateve, Lulzim Basha në bilancin e tij shënon vetëm dështime dhe e vetmja ?fitore? është se i ka dhuruar Edi Ramës edhe pushtetin legjislativ edhe atë vendor./CNA.al