web counter
LEXO PA REKLAMA!

SHKARKO APP

App Store
Google Play

E fundit!

x

Prefekti i Dibrës mohon akuzat e Xhelal Mziut/ Shumica e rrugëve kanë qenë të hapura, nuk ka munguar energjia elektrike

18 Shkurt 2021, 16:42, Politikë CNA

Drejtuesi politik i PD-së në qarkun e Dibrës Xhelal Mziu ngriti alarmin dje se shumë fshatra në Dibër ishin izoluar nga dëbora madje dhe se kishin mungesë ushqimesh.

Ai akuzonte qeverinë se i ka lënë qytetarët në mëshirë të fatit. Sipas tij janë vetë qytetarët që po hapin rrugën me lopata nga dëbora, pasi shteti nuk është gjëkundi.

Lidhur me këto akuza ka reaguar dhe Nexhbedin Shehu, prefekti i Dibrës. Në një lidhje me Report Tv, Shehu shprehet se që prej ditës së parë të reshjeve të dëborës, janë marrë masat e nevojshme dhe se rrugët nacionale kanë qenë të hapura. Ai tha se përjashtim bënte vetëm një segment Skuraj-Burrel.

Sipas Shehut, edhe rrugët rurale kanë qenë 70% të hapura ditën e parë ndërsa në ditët në vijim është bërë e mundur lirimi i tyre. Prefekti i Dibrës thotë se energjia elektrike nuk ka munguar për këtë qark, me përjashtim të disa fshatrave në Lurë.

“Unë kam ndjekur prononcimin e zotit Mziut. Thëniet e tij nuk qëndrojnë. Dëbora që ra në datë 14 dhe 15 në qarkun Dibër dhe ju them që 300 km rrugë nacionale kanë qenë të hapura pa pushim.

Përjashtim bën segmenti Skuraj-Burrel ku kemi pasur avari 4 orë. Të gjithë rrugët e tjera kanë qenë të kalueshme. Ka pasur sektorë ku kalohej me zinxhirë, shërbimet e policisë kanë qenë në terren. Janë porositur udhëtarët që vinin nga Tirana që të kenë mjete me zinxhirë.

Më datë 15, të katërt bashkitë kanë aktivizuar sektorët e emergjencave civile dhe ditën e parë kemi pasur 70% të rrugëve rurale, 2000 km rrugë të hapura. Kanë vajtur borëpastrueset në Lurë, Selishten, Kalanë e Dodës. Furnizimi me energji elektrike ka qenë non stop duke bërë përjashtim vetëm Lurën për 48 orë. Bora ka qenë stuhi 24 orë dhe ka qenë normale për Dibrën. Në ditën e dytë të dëborës ne kemi shkuar dhe në fshatrat e thellë”  tha prefekti./CNA.al





Lajmet e fundit nga