web counter
LEXO PA REKLAMA!

SHKARKO APP

App Store
Google Play

‘Vaksinojmë personalitetet’/ Fuga “shpërthen” ndaj Ramës: Thirri mendjes o i marrë! Po merr rolin e Zotit…

18 Shkurt 2021, 14:12, Politikë CNA

Akademiku  Artan Fuga e ka konsideruar si krim vendimin e njoftuar nga kryeministri Edi Rama që fillimisht do të vaksinohen të moshuarit mbi 80-vjeç, të cilët janë personalitete.

Fuga shprehet se jeta e njeriut vlen njësoj, si e atij që ka punuar 40 vjet në minierë, si e novelistit dhe se marrja e përgjegjësisë për vdekjen e kujtdo tjetër, do te ishte eugjenizëm i tipit hitlerian.

“Vaksinimi me prioritet i te ashtuquajturve personalitete do te ishte nje krim, një genocid, një marrje pergjegjesie për vdekjen e kujtdo tjetër, do te ishte nje eugjenizem i tipit hitlerian, jeta e njeriut vlen njësoj, si e atij që ka punuar 40 vjet në minierë, si e nobelistit, si e një njeriu që e ka kaluar jetën në burg, si e një njeriu që jeta e la pa shkollë, por është një gjyshe e dashur.

Kriteri i moshës, ose ndonjë tjetër është tjetër gjë, por jo për merita pune, lufte, apo për budallalliqe të kësaj natyre.

Pa le na thonë se ata personalitetet do të na bindin neve të bëjmë vaksinën!!! A thua se problemi aty është se nuk bindet njeriu të bëjë vaksina. Ku janë vaksinat për popullsinë? Problemi është këtu. Asnjë popull në Evropë nuk po i rreziston vaksinës kur ajo i vjen rregullisht dhe e konrtrolluar.

Nuk janë personalitetet që bindin!

Kush përcakton se kush do të vdesi ose kush do të jetojë me kritere meritash shoqërore është një i marrë që merr rolin e Zotit, është një i rrezikshëm që duhet lidhur. E kap edhe kodi penal veç të tjerash. Thirrini mendjes o personalitete!”/CNA.al





Lajmet e fundit nga