web counter
LEXO PA REKLAMA!

SHKARKO APP

App Store
Google Play

Përfundon procesi i votimit në Kosovë/ KQZ nxjerr shifrat, ja sa qytetarë morën pjesë

14 Shkurt 2021, 18:48, Kosova & Bota CNA

Në Kosovë ka përfunduar procesi i votimit për zgjedhjet e parakohshme parlamentare dhe dalja në zgjedhje, sipas KQZ-së së Kosovës ishte mbi 46%, shkruajnë mediat kosovare.

Vendvotimet u hapën në ora 07:00 dhe u mbyllën në ora 19:00. Qytetarët që ishin brenda qendrave të votimit u lejuan që të votojnë edhe pas orës 19:00.

Të drejtë vote në zgjedhjet e parakohshme parlamentare të 14 shkurtit kishin 1.794.862 qytetarë. Në 38 komunat e Kosovës, qytetarët mundën të votojnë në 888 qendra të votimit, me 2.382 vendvotimet.

Këtë vit, KQZ-ja ka larguar nga lista e votuesve rreth 122.000 persona, të cilët kanë qenë të regjistruar vetëm me dokumente të UNMIK-ut.

Në këto zgjedhjet është thënë se do të lejohet votimi vetëm me dokumente të Kosovës. KQZ-ja po ashtu ka lejuar të votojnë edhe qytetarët, të cilët kanë pasur letërnjoftim me afat të skaduar./CNA.al





Lajmet e fundit nga