E fundit!

12:50 Aktualitet

Vrasja e Martin Canit/ Gjykata e Apelit lë në fuqi dënimin për autorin

Gjykata e Apelit ka lënë në fuqi vendimin për dënimin me 1...

Sa mandate fiton PD në Tiranë?/ Basha anashkalon pyetjen: Qytetarët dinë ta bëjnë dallimin

10 Shkurt 2021, 20:06, Politikë CNA

Kryetari i opozitës Lulzim Basha, është pyetur mbrëmjen e sotme se sa mandate pretendon të fitojë partia e tij në Tiranë.

Basha anashkaloi pyetjen dhe nuk dha një shifër të saktë, por deklaroi se ka besim se qytetarët dinë të bëjnë dallimin.

?Unë jam plot besim se qytetarët e Tiranës dinë ta bëjnë dallimin midis atyre që për 8 vite kanë vënë interesat dhe pasurinë e vetes tyre të parën, që janë pasuruar në kurriz të qytetarëve të Tiranës, që kanë shkatërruar qytetin, e kanë bërë të pajetueshëm nga rrugët tek rrugicat, nga parqet e zhdukura të zëvendësuara me beton, nga ulja e cilësisë së jetës dhe rritja e ndotjes së ambientit dhe nga shndërrimi i tyre brenda një kohe shumë të shkurtër në njerëz që kanë shumëfishuar pasurinë ndërkohë që shumica dërrmuese e qytetarëve të Tiranës kanë mbetur vendnumëro apo janë varfëruar në këto vite.

Pra qytetarët e Tiranës e kanë fare të qartë përballjen midis një grushti njerëzish që i kanë përdorur këto 8 vite në pushtet vetëm për veten e tyre, në kurriz të qytetarëve të Tiranës, në kurriz të familjeve të tyre, dhe ekipit tonë që mëshiron më së miri frymën Shqipëria Fiton, Tirana Fiton, qytetarët e Tiranës Fitojnë me programin tonë. Fitojnë ekonominë, fitojnë një çlirim dhe frymëmarrje që do të ndihet kudo, në jetën e tyre të përditshme, që nga momenti që dalin nga shtëpia deri tek gjërat më të thjeshta të jetës të cilave sot i janë shtuar brenga të mëdha për shkak të kapriçove dhe aferave të thella të korrupsionit që përfaqësojnë këta individë që sot me paturpësinë më të madhe shkojnë dhe u kërkojnë votën. Qytetarët e Tiranës do të dinë ti ndëshkojnë me votë, do të dinë që me votën e tyre në 25 Prill të bëjnë që ata dhe familjet ë tyre të fitojnë, Tirana të fitojë dhe Shqipëria të fitojë?, u shpreh ai në Syri Tv.

Gazetari këmbënguli për një shifër, ndërsa kreu i opozitës tha se: “Pa diskutim që qytetarët të Tiranës do t?i japin vetes së tyre, qytetit të tyre, bashkisë së tyre dhe opozitës së bashkuar një fitore të thellë në Tiranë. Tirana do t?i prijë fitores së shqiptarëve?./ CNA.al