web counter
LEXO PA REKLAMA!

SHKARKO APP

App Store
Google Play

Trembëdhjetë çështje në Kushtetuese/ Kalendari shkurt-mars “harrohen” dosjet e nxehta të politikës

2 Shkurt 2021, 15:20, Aktualitet CNA

Gjykata Kushtetuese ka publikuar në kalendarin e saj çështjet që do të shqyrtojë deri më datën 9 mars. Por deri tani nuk bëhet me dije se kur do të shqyrtohen çështjet e ashtuquajtura të nxehta, si zgjedhjet lokale të 2019-s, ligji për teatrin, Kodi Zgjedhor apo kompetencat e Presidentit të Republikës në dekretimin e ministrave?.

Trembëdhjetë seanca gjyqësore parashikojnë të zhvillojnë gjatë muajit shkurt dhe 9 ditët e para të marsit, 7 gjyqtarët e Gjykatës Kushtetuese të cilët e nisën punën zyrtarisht me vendimin e parë të marrë pas më shumë se 2 vitesh, më 26 janar.

Të enjten Kushtetuesja do të marrë në shqyrtim në seancë plenare padinë e Shoqatës Pronësi me Drejtësi kundër ligjit ?Për trajtimin e pronës dhe përfundimin e procesit të kompensimit të pronave?. Në 18 shkurt parashikohet edhe shqyrtimi i ankimit të kryetarit të Kontrollit të Lartë të Shtetit, i cili kundërshton ligjin që detyron këtë institucion të auditojë bashkitë e vendit 1 herë në vit.

Seancat e tjera gjatë shkurtit janë kryesisht ankime të qytetarëve që kundërshtojnë vendimin e gjykatave më të ulëta lidhur me mosmarrëveshjet me institucione të ndryshme.

Ndërkohë, me interes është seanca e parashikuar për t?u zhvilluar më 2 mars, ku Kushtetuesja do të shqyrtojë padinë e Partisë Republikane e cila kërkon shfuqizimin e aktit normative që ndalon tubimet politike, me arsyetimin se dëmton partitë e vogla në fushatën elektorale për zgjedhjet e 25 prillit.

Gjykata Kushtetuese ka lajmëruar se për shkak të situatës dhe rregullave në fuqi të shkaktuara nga COVID-19, zhvillimi i seancave plenare do të kryhet pa praninë e publikut./CNA.al





Lajmet e fundit nga