web counter
LEXO PA REKLAMA!

SHKARKO APP

App Store
Google Play

Masat anti-Covid/ Specialistja e ISHP: E vetmja gjë që po diskutohet është hapja e universiteteve

2 Shkurt 2021, 09:40, Aktualitet CNA

Marjeta Dervishi, specialiste e Institutit të Shëndetit Publik shpjegoi pse autoritetet nuk vendosën për masa të reja shtrënguese, edhe pse thanë se ka rritje të rasteve të reja, të të shtruarve në spital dhe viktimave.

Gjatë një interviste për ?A2?, ajo tha se masat do të jenë të njëjtat pasi shifrat e të infektuarve janë të qëndrueshme, duke shtuar se e vetmja gjë që po diskutohet është hapja e universiteteve, në një kohë kur po afrojnë edhe sezoni i provimeve.

?Jemi të shqetësuar, por jemi në monitorim të situatës. Ndjekja në dinamikë do të bëjë që ne të vazhdojmë me këto masa apo t?i ndryshojmë ato. Kemi të bëjmë me një qëndrueshmëri të këtij pozitiviteti dhe për këtë mendojmë të vazhdojmë me të njëjtat masa. E vetmja gjë që do të diskutohet janë universitetet, meqë po afrojnë provimet?, u shpreh Dervishi.

Kur u pyet pse është shtuar numri i të rinjve të infektuar, specialistja u përgjigj: ?Arsyeja kryesore është mosrespektimi i masave. Të rinjtë duhet të respektojnë masat, të ruajnë distancat dhe të mos grumbullohen. Qytetarët duhet të rrisin vigjilencën dhe të ndryshojnë sjelljen, në mënyrë që të ulet infeksioni?.

Në lidhje me vaksinimin, Dervishi theksoi se është shumë e nevojshme që fillimisht të vaksinohen bluzat e bardha, për të ndaluar zinxhirin e transmetimit./CNA.al





Lajmet e fundit nga