web counter
LEXO PA REKLAMA!

SHKARKO APP

App Store
Google Play

3 mijë hektarë nën ujë/ Ademi ngre alarmin: Shpallni gjendjen e fatkeqësisë natyrore

1 Shkurt 2021, 14:34, Aktualitet CNA

Kryebashkiakja e Shkodrës, Voltana Ademi ka ngritur alarmin teksa thekson se situata e përmbytjeve është rënduar ndjeshëm.

Sipas saj, janë më shumë se 3 mijë hektare nën ujë ndërsa ka paraqitur një sërë kërkesash në emër të banorëve. Ajo kërkon shpalljen e gjendjes së fatkeqësisë natyrore në njësitë administrative Ana e Malit dhe Dajç.

Sipas saj, situata e rënduar për shkak të përmbytjeve, parashikohet të zgjasë deri në pranverë.

?Të nderuar, Situata e përmbytjeve në territorin e Bashkisë së Shkodrës është rënduar ndjeshëm! Ditën e sotme, janë më shumë se 3 mijë hektare nën ujë.
Në një komunikim me mediat kam përsëritur sot, për të disatën here, në emër të banorëve, kerkesat tona:
-Shpalljen e gjendjes së fatkeqësisë natyrore për njësitë administrative Ana e Malit dhe Dajç.
-Mbështetjen me bazë ushqimore për gjënë e gjallë (koncentrat) për njësitë administrative Ana e Malit dhe Dajç në një sasi 500 ton.
-Dëmshpërblimin e banorëve dhe fermerëve për dëmet e shkaktuara nga uji I shkarkuar nga hidronectralet në kaskadën e hidrocentraleve mbi lumin Drin.
Fakti që qyteti i Shkodrës nuk ka patur asnjë problem dhe ka kulluar pavarësisht reshjeve, tregon se shkaku i përmbytjeve nuk është shiu.
Parashikimet flasin për reshje shiu dhe rritje temperaturash në zonat malore, duke rrezikuar shkrirjen e bores dhe akullit në male. Situata e rënduar për shkak të përmbytjeve, parashikojmë të zgjasë deri në pranverë.
Ndërkohë, kemi nisur procedurat për sigurimin e bazës ushqimore për gjënë e gjallë për një sasi 150 ton, pasi na u refuzua procedura e përshpejtuar.
Më poshtë gjeni një link video, intervistë për mediat?, u shpreh Ademi për mediat.





Lajmet e fundit nga