web counter
LEXO PA REKLAMA!

SHKARKO APP

App Store
Google Play

“E njoh, kam besim tek Basha”/ Ekspertja e PD prezanton programin e Shëndetësisë

1 Shkurt 2021, 10:19, Aktualitet CNA

Ekspertja e Partisë Demokratike, Mirela Tabaku teksa ka folur për programin për shëndetësinë që po prezantohet sot në kuadër të zgjedhjeve të 25 prillit, theksoi se ky është një plan gjithëpërfshirës.

Gjatë fjalës së saj Tabaku ka vlerësuar figurën e kryetarit të PD-së Lulzim Basha ndërsa shtoi se ky plan i shëndetësisë do të zbatohet menjëherë pas 25 prillit. Sipas saj, me kete plan do të shpëtojnë jetë e shqiptareve, jetët e mjekëve dhe infermierëve dhe kushtet e punës së tyre.

?Të gjithë e kemi parë impaktin që solli në opinionin publik plani ynë ekonomik.

Njerëzit presin që ne të ofrojmë ndryshimin që i duhet kaq shumë vendit. Pas 8 vitesh dështim total, pas 8 vitesh fjalësh boshe, pas 8 vitesh që njerëzit dëgjojnë Ramën të flasë dhe nuk i besojnë asnjë fjalë që thotë, është koha që Rama të ikë.

Sot Lulzim Basha do të prezantojë shkurtimisht për ju planin e tij se si Shqipëria dhe shqiptarët do të fitojnë nga plani ynë i shëndetësisë. Është një plan gjithëpërfshirës. Është plan serioz.

Është plan i zbatueshëm. Një plan që ne të gjithë synojmë ta zbatojmë menjëherë pas zgjedhjeve të 25 prillit. Ju të gjithë e shihni se çfarë ka bërë Rama me sistemin tonë shëndetësor në këto 8 vite.

Ne kemi punuar bashkë me kryetarin e PD për një program që do të garantojë një të ardhme më të mirë për Shqipërinë dhe qytetarët e saj. Ne kemi punuar bashkë për të ndërtuar plane pune që do të shpëtojnë jetë, përmirësojnë jetët tuaja, jetët e mjekëve dhe infermierëve tanë të shkëlqyer dhe kushtet e punës së tyre.

Ata janë heronjtë tanë, ndaj ata meritojnë shumë më shumë.

Unë e njoh Lulzim Bashën dhe mund ta them me besim të plotë se ai është njeriu i duhur në kohën e duhur për të sjellë ndryshimin që i duhet kaq shumë vendit tonë.

Ne mund ta themi me bindje të plotë: ne kemi besim se Lulzim Basha do ta udhëheqë vendin tonë drejt një të ardhmeje më të mirë, një ekonomie më të mirë, një qeverie që kujdeset për qytetarët e saj?, tha ajo./CNA.al





Lajmet e fundit nga