web counter
LEXO PA REKLAMA!

SHKARKO APP

App Store
Google Play

“Brenda shkurtit mbërrijnë mbi 40 mijë doza”/ Rama: Mbyllim vaksinimin e bluzave të bardha

2 Shkurt 2021, 09:09, Aktualitet CNA

Pasi mori dozën e dytë të vaksinimit, kryeministri Edi Rana tha se nga komunikimet e mbrëmjes së djeshme Pfizer ka konfirmuar se brenda shkurtit do të sillen edhe mbi 40 mijë doza të tjera të vaksinave.

Sipas Ramës në këtë mënyrë do të mbyllet vaksinimi i bluzave të bardha dhe se më pas do të niset vaksinimi i moshave më të thyera.

“Nëse i shohim numrat ngushtë dhe jo të gjithë panoramën dhe të gjithë planin, atëherë patjetër që duken shumë pak, por në fakt e para mos të harrojmë që në rajon jemi i vetmi vend së bashku me Serbinë që ka hyrë në zbatimin e kontratës dhe ka filluar vaksinimin për bluzat e bardha, së dyti situata e furnizimit me vaksina në krejt Europën është tejet kaotike. Vende të mëdha kanë filluar kërcënimet për ndjekjen në rrugë gjyqësore të kompanive pasi kërkesa është marramendëse dhe oferta është ende shumë e ulët për shkak të numra të prodhimit. Së treti dje në darkë kemi marrë konfirmimin nga Pfizer që në mes të shkurtit mbërrijnë mbi 10 mijë doza të tjera të parashikuara dhe brenda shkurtit vijnë edhe mbi 30 mijë doza të tjera, që do të thotë që jemi gati të vaksinojmë të gjithë mjekët dhe infermierët dhe të fillojmë më moshën më të thyer. Me këto doza do të hyjnë në dozën e vaksinimit për moshat e thyera. Jemi shumë pranë kontratës me AstraZeneca për një nr dozash që do të vohen në dispozicion. Kemi shumë arsye të jemi optimist që plani ynë për vaksinim në 14 muaj është i mundshëm. Ne nuk kemi lënë veten e dorë vetëm të Pfizer dhe COVAX por jemi duke negociuar edhe me vaksina të tjera, jam besimplotë se nga të gjitha komunikimi që ne d të shkojmë ën progresin me nr e vaksinave,”tha Rama./CNA.al





Lajmet e fundit nga