E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Raportimi mbi të moshuarën e dhunuar, ekspertët kritikojnë rëndë shkeljen e etikës nga mediat

2 Shkurt 2021, 17:30, Aktualitet CNA

Ekspertët e medias dënuan trajtimin mediatik që iu bë publikimit të rastit të së moshuarës të dhunuar nga nipi i saj pak ditë më parë.

Sipas ekspertëve publikimi i intervistës me të moshuarën pa censurë në audio dhe figurë ishte një show mediatik i panevojshëm dhe cënon rëndë parimet e etikës në gazetari.

Në një intervistë për Euronews Albania, Valbona Sulçe, eksperte e medias dhe komunikimit sqaroi se ngjarja nuk duhet të ishte publikuar në të mënyrë.

?Mendoj që faji në këtë rast është i mosdiskutimit të çështjeve etike si një çështje thelbësore e raportimit. Nuk e di nëse në redaksitë tona kalohet dhe pjesa e etikës, që duhet të ishte rutina normale e çdo redaksie,? ? tha Sulçe.

?Në këto 20 vitet kemi treguar për fat të keq se vetrregullimi i medias ka dështuar. Do të rekomandoja që autoretet publike që kanë në dorë dhe licencimin e operatorëve audiovizivë sidomos… t?i qëndrojnë strikt kodit të transmetimit dhe të ndëshkojnë operatorët që e shkelin,? deklaroi ekspertja.

Ndërkaq, pedagogu i gazetarisë, Zylyftar Bregu sqaroi se një lajm i tillë duhej transmetuar vetëm duke hequr pamjet e nënës së dhunuar.

?Intervista e saj me zë dhe figurë nuk i ka shtuar asgjë cilësisë së informacionit përveçse ka shtuar një lloj ndjeshmërie te publiku që media e ka tepruar,? ? tha ai.

Pak ditë më parë në fshatin Grabian të Divjakës një 36 vjeçar krahas dhunës rezultoi se ka kryer forcërisht marrëdhënie seksuale me gjyshen e tij.

Erlis Çela, shef i Departamentit të Shkencave të Komunikimit në Universitetin Beder theksoi se justifikimi ?kështu do publiku? nuk është aspak i drejtë.

Sipas tij rregullatori për të orientuar gazetarët si të raportojnë lajmin s?mund të jetë publiku dhe kërkimi i detajeve deri në maksimum për të marrë audiencë është i gabuar.

?Kryerja e një raportimi të tillë në mënyrë të gabuar nuk justifikon mënyrën se si duhet ta bëjë tjetri (gazetari) që vjen më pas, pra nuk ka një logjikë të tillë justifikimi? ? tha ai teksa apeloi që gazetarët t?i thërrasin ndërgjegjes individuale dhe asaj profesionale.

Sipas Zylyftar Bregut Autoriteti i Medias Audiovizive ka dy struktura që kanë përgjegjësi konkrete për këtë rast: Këshilli i Etikës dhe Drejtoria e Programacionit.

Ai sqaroi se të dyja strukturat e sipërpërmendura kanë detyrim ligjor trajtimin e çështjes por shprehu skepticizmin e tij duke theksuar se AMA ka ndërmarrë masa vetëm në raste specifike.

?Nuk besoj që do ta bëjë në këtë rast që për mua është rast demonstrativ sa i përket shkeljes së etikës,? ?përfundoi Bregu./euronews