web counter
LEXO PA REKLAMA!

SHKARKO APP

App Store
Google Play

Deklaratat e Yuri Kim/ Lubonja sulmon ambasadoren e SHBA: Më mirë të bëjë punën si diplomate

1 Shkurt 2021, 17:32, Politikë CNA

Analisti Fatos Lubonja , në një lidhje me rubrikën ?Opinion?, duke komentuar reagimin e kryeministrit Edi Rama pas deklaratës së ambasadores Yuri Kim për pastërtinë e kandidatëve në zgjedhjet e 25 prillit, u shpreh se në Shqipëri krimi është sheshit, bashkëpunon me politikën dhe me vetë Ramën.

?Kjo është një përsëritje e variantit të ndonjë druri të shtrembër, që nuk e dëmton imazhin e pyllit me drunj të drejtë.

Rama kërkon të lajë duart nga çdo lloj përgjegjësie, ndërkohë që sipas mendimit tim, nuk ka nevojë fare për dhoma torturash, por krimi është sheshit në Shqipëri, bashkëpunimi me krimin, duke filluar që nga Rama e poshtë, është sheshit.

Mbrojtja e krimit dhe bashkëpunimi me krimin po ashtu është sheshit.

Këtu është dhe problemi me ambasadoren amerikane. Këtu bëhet fjalë për një pyll, që e ka marrë flaka, jo për disa drunj të shtrembër. A po bëjnë lojë dhe ndërkombëtarët, apo janë kaq naivë, këtë nuk di ta them, por duhet të kuptojnë që këto janë thjesht parulla.

Këtu ke kryeministrin që bën gati përditë nga një gënjeshtër. Këta na kanë gënjyer për viktimat e Covid, duke na thënë se janë vetëm 1 mijë viktima, kur kanë vdekur 6 mijë persona dhe mendohet se nga Covid-i.

Ky vend qeveriset përmes gënjeshtrës dhe këtë ambasadorja, më mirë të bëjë punën si diplomate, se sa të bëjë deklarata të tilla, që tregojnë se nuk e njohin fare realitetin në Shqipëri?, deklaroi ai./CNA.al





Lajmet e fundit nga