web counter
LEXO PA REKLAMA!

SHKARKO APP

App Store
Google Play

Hajdari ashpërson tonet/ Ju në këtë sallë shijoni milionat në kurriz të pasurisë së përbashkët

1 Shkurt 2021, 10:20, Politikë CNA

Deputetja Rudina Hajdari tha nga foltorja e Kuvendit se shqiptarët janë njerëzit që emigrojnë më së shumti.

Ajo theksoi se vendi jonë ka numrin më të lartë të azilkërkuesve ndërsa hedhur akuza ndaj politikanëve për të cilët tha se shijojnë milionat në kurriz të pasurisë së përbashkët.

?Është ironike të flasësh se ju e dini fare mirë se shqipëria dhe shqiptarët janë të ndarë dhe të përçarë. Shqiptarët janë njerëzit që emigrojnë më së shumti. Kemi azilkërkuesit më të lartë. Tejkalojmë dhe vende që janë në konflikt. Si erdhën deri këtu. Si ka një mundësi që një vend kaq i bukur dhe i pasur me burime, me klimë të mrekullueshme, me vijë bregdetare të paparë. Dje dhe pardje kam qëne në librzhd dhe Prrenjas. Ju që keni qenë në këtë sallë e shkatërruat këtë vend. Ju dhe shumë të tjerë ndërtuat vilat më të bulura në ato zona dhe jeni më të pasur se e gjithë zona. Banorët më thonë se po prapë në këto zona erdhën për ujin e lumit e futën në tuba shkatërruan shtratin e lumit. Ju bashkë në këtë sallë dhe jashtë kësaj salle shijoni milionat në kurriz të pasurisë së përbashkët. Banorët tregojnë se si po të njëjtit njerëz vajtën për toka më të mira teksa lanë asgjë për banorët e zonës.
Banorët vijojnë e shesin në rrugë pa kushtet minimale. Kështu pra në një zonë si ajo e Prrenjasit e Librazhdit ska asnjë të ardhur për këta banorë, ku papunësia është kryefjala, dhe banorët nuk arrijnë të mbyllin dot një muaj. Kjo zonë është kthyer në një nga më të varfrat.
Kështu pra ditë pas dite javë pas java zona u varfërua dhe banorët detyrohen të kërkojnë fatin diku tjetër?, u shpreh Hajdari./CNA.al





Lajmet e fundit nga