web counter
LEXO PA REKLAMA!

SHKARKO APP

App Store
Google Play

Rama i përgjigjet deklaratave të Yuri Kim/ Zbulon dy qarqet ku do kandidojë

1 Shkurt 2021, 09:09, Politikë CNA

Kryeministri Edi Rama në një dalje për mediat pas përfundimit të mbledhjes me drejtuesit e qarqeve ka komentuar deklaratën e ambasadores Yuri Kim, e cila pak ditë më parë u bëri thirrje partive politike që të mos përfshijnë njerëz të lidhur me krimin në zgjedhjet e 25 prillit.

Rama u shpreh se si parti po zbatojnë ligjin, ndërsa shtoi se nuk është përgjegjësia e tyre nëse dikush fsheh të kaluarën, por është perasonale, dhe çdo kush që gënjen do përballet me ligjin.

I pyetur se ku do të kandidojë në zgjedhjet e 25 prillit, Rama zbuloi edhe dy qarqet, duke u shprehur se Vlorën nuk do e lërë, ndërsa Durrësit i ka një borxh.

?Ne kemi ligjin, zbatojmë ligjin. Përgjegjësia e kujtdo që gënjen në vetëdeklarim është përgjegjësi individuale jo partie. Partitë nuk janë drejtori policie, verifikojnë në bazë të ligjit dhe sipas ligjit i kemi bërë verifikimet gjithmonë. Skemi ndërmend të ngremë salla torturash në selitë e partive nëse dikush fsheh diçka. Ne shohim dokumentacionin në dispozicion.

Lista e deputetëve do të dal në fund duke u bazuar tek eksperienca që kanë por edhe tek energjia e atyre që janë të rinj. Ku do kandidoj unë është problem më i vogël, por Vlorën nuk e lë dhe Durrësit i kam një borxh?, tha Rama./CNA.al





Lajmet e fundit nga