web counter
LEXO PA REKLAMA!

SHKARKO APP

App Store
Google Play

Braçe publikon foton e Kryemadhit pa maskë/ Tregon ndëshkimin që e pret

29 Janar 2021, 10:24, Politikë CNA

Zëvendëskryeministri Erion Braçe ka publikua rnjë foto të kryetares së LSI, Monika Kryemadhi e cila shfaqet pa maskë mbrojtëse.

Kryemadhi, e cila shfaqet në krah të disa personave në mes të rrugës të gjithë pa maska. Braçe thotë se emrat e çdo shkelësi të qëllimtë të masave do bëhen publike si rrezik potencial për përhapje të virusit.

“Në Divjakë! 11 muaj betejë me virusin po shkon dëm prej palaçove si këta në Divjakë! sot jemi në piken kritike, kemi 97 të sëmurë aktivë e 235 të karantinuar! Asnjëherë në 11 muaj nuk kemi pasur kaq! E gjitha, papërgjegjshmëri e çdokujt që vijon në ceremoni mortore kur ato janë të ndaluara, përfshi pritjet e përcjelljet në shtëpi, në dhoma 20 metra katrorë ku rrinë presin apo hyjnë e ngushëllojnë mbi 20 vetë në një moment;
Papërgjegjshmëri e çdokujt që është egzaminuar i infektuar me virus, familjarëve të tij që duhet të izolohen, por janë pazarit, hyjnë e dalin nëpër kushërinj e komshinj duke infektuar njëri pas tjetrit secilin prej tyre!
Miza, Këmishtaj, Mërtishi, janë tani qendra me numrin më të lartë të të infektuarve për shkak të ceremonive mortore e vizitave nëpër shtëpi, lokaleve e dyqaneve pa asnjë masë mbrojtëse! Nuk mbaron këtu; papërgjegjshmëria e këtyre palaçove në foto që për t’i bërë qefin kësaj zonjës, refuzojnë maskat, nuk i mbajnë në ambient të hapur siç ligji thotë, as në mejhanet që kanë prona ku të tjerë njerëzve u imponojnë regjimin e poshtër të mosmarrjes së masave!
Nesër në mëngjes e vijim, çdo sanksion i ligjit nga gjoba tek kallëzimi për përhapje të qëllimtë të virusit, nuk do kursejë askënd e kudo; emrat e çdo shkelësi të qëllimte te masave do bëhen publike si rrezik potencial për përhapje të virusit”, shkruan Braçe./CNA.al





Lajmet e fundit nga