web counter
LEXO PA REKLAMA!

SHKARKO APP

App Store
Google Play

Rama pritet me ceremoni zyrtare në Turqi/ Zbardhet kush e shoqëron dhe çfarë do të ndodhë më pas

6 Janar 2021, 09:37, Politikë CNA

Kryeministri Edi Rama do të vizitojë sot Turqinë, ku do të pritet nga një ceremoni shtetërore në Ankara nga presidenti Rexheb Tayyib Erdogan.

Rama shoqërohet nga ministri i Brendshëm Blendi Çuçi, i cili e ka vizitën e parë zyrtare në Turqi. Gjatë takimit do të nënshkruhen disa marrëveshje mes dy vendeve në kuadër të rritjes së bashkëpunimit. Në përfundim të takimit, Erdogani do të japë edhe një drekë zyrtare për Ramën dhe delegacionin që e shoqëron.

Një ditë më parë, media turke Anadolu Ajansi raportoi se Rama po shkon në Ankara me ftesë të Presidentit Erdogan. Në njoftim, ministria e Informacionit të Turqisë bën me dije se takimi do të bëhet në kuadër të rritjes së bashkëpunimit mes dy vendeve, megjithatë sëfundmi në rajon ka patur mjaft zhvillime që prekin drejtpërdrejt edhe Turqinë, siç është çështja e detit mes nesh dhe Greqisë.

Shqipëria dhe Greqia vendosën ta çojnë këtë çështje në Hagë, por duket se një vendim i tillë i ka shqetësuar turqit, pasi ajo që do të ndodhë mes Greqisë dhe Shqipërisë në lidhje me detin mund të përdorët nga helenët si precedent për ishujt përballë Turqisë./CNA.al





Lajmet e fundit nga