E fundit!

08:48 Kronika

Aksident i rëndë në aksin Kardhiq-Delvinë/ Humb jetën një person, plagosen tre të tjerë

Një aksident i rëndë ka ndodhur në aksin Kardhiq-Delvinë, ...

Skandali për investimet në Vlorë/ Denaj paralajmëron Metën: Nesër do përgjigjem me fakte

5 Janar 2021, 19:15, Politikë CNA

Presidenti Ilir Meta mbajti mbrëmjen e sotme një deklaratë për mediat, ku pranoi sërish skandalin dhe tentoi të justifikojë bllokimin e investimeve për projektin e rrugës ?Vlorë-Orikum?.

Kreu i Shtetit tha ndërprerjen e marrëveshjes për financimin e kësaj rruge ia ka kërkuar qeveria shqiptare Fondit Saudit të Zhvillimit, ndërsa pretendon se i ka dërguar 4 letra Edi Ramës si ministër i Jashtëm për transparencë.

Lidhur me akuzat e presidentit ka reaguar ministrja e Financave, Anila Denaj, e cila paralajmëron se nesër do t?i përgjigjet me fakte presidentit.

?Jam shumë e befasuar nga shfaqja e Ilir Metës nga podiumi i Presidentit të Republikës, ku bëri lëmsh Kushtetutën, institucionet dhe konceptet e ligjshmërisë marrëveshjes, negociatës, duke krijuar një kakofoni krejt të papërshtatshme për kreun e një shteti. Nesër do t?i përgjigjem me fakte kokëforta zotit President, madje me vetë firmën e tij në raste të ngjashme, ndërsa sot po sqaroj vetëm kaq:

Çështja është shumë e thjeshtë. Qeveria nuk ka pasur çfarë të negociojë, sepse nuk bëhet fjalë për një hua të re, po për një hua të negociuar më parë. Këtu Presidenti gabon! Fondi Shqiptar i Zhvillimit nuk ka negociuar termat e huasë, sikundër edhe këtu presidenti gabon; por thjesht ka shkëmbyer me kundërpalën e vet për ta rialokuar nga një objekt në një objekt tjetër, madje brenda për brenda të njëjtës zonë gjeografike në këtë rast, një pjesë të huasë.

Pala saudite nuk ka pasur asgjë tjetër për të thënë kur ka dhënë dakordësinë dhe edhe këtu Presidenti gabon. Rialokimet e fondeve brenda marrëveshjeve financiare të nënshkruara, janë bërë edhe në të shkuarën, bëhen kudo dhe nuk përbëjnë asnjë përjashtim nga rregulli.

Presidenti gabon nga fillimi në fund edhe pse ia kemi shpjeguar shkresërisht logjikën e kësaj praktike krejt të qartë e të thjeshtë. A nuk e kupton vërtetë apo e bën me qëllim këtë zvarritje të një projekti me rëndësi për Vlorën, këtë nuk dua ta them. Por nesër do të them më shumë?, thekson Denaj./ CNA.al

Bllokoi investimet në Vlorë/ Justifikohet Meta: Shpifjet nuk meritojnë vëmendje