Bllokoi investimet në Vlorë/ Justifikohet Meta: Shpifjet nuk meritojnë vëmendje

5 Janar 2021, 18:05, Politikë CNA

Presidenti Ilir Meta ka dalë në një konferencë për mediat ku është rrekur të justifikojë bllokimin e investimeve per projektin e rrugës ‘Vlorë-Orikum?.

Meta e kaloi topin tek kryeministri, ku deklaroi se Edi Rama vijon me gënjeshtrat, ndërsa shtoi se qytetarët e Vlorës meritojnë sqarim për projektin Vlorë-Orikum.

?Jam sot këtu sepse mendoj që edhe pse shpifjet dhe gënjeshtrat e kryeministrit nuk meritojnë vëmendje, qytetarët në të gjithë qarkut në Vlorë meritojnë sqarime. Presidenti ka mirëpritur iniciativën për zhvillimin e zonë së lumit të Vlorës?, tha Meta.

Gjatë fjalës së tij gjithashtu Presidenti deklaroi se sipas tij përfaqësues të qeverisë gënjyen Kuvendin, ndërsa shton se Ministria e Financave ka deklaruar se nuk ka pasur negociata me Fondit Saudit.

?Rama në një shfaqje teatrale deklaron me zë e figurë thotë që i ka bërë të gjitha negociatat me Fondin Saudit për Zhvillim. Zotëria thotë që ka bërë të gjitha negociatat, MFE thotë që s?ka pasur.

Si konkluzion i gjithë kësaj maskarade, duket qartë që ose janë kryer negociata siç thuhet në kundërshtim me ligjin, të dyshimta, për interesa të palës shqiptare. Pa autorizim të Presidentit. Dhe këtë e konfirmon FSHZH dhe kryeministri. Ose nuk janë kryer fare negociata siç thotë MFE. Ose negociata të paligjshme, ose qeveria miraton nëj draft-marrëveshje të panegociuar. Të gjitha rrugët të çojnë në shkelje.

Në çdo rast vihet në dyshim mbrojtja e interesave të qytetarëve që paguajnë për çdo hua dhe borxh që merret. Pse e bllokon Presidenti, sepse ka kërkuar transparencë, ligjshmëri dhe zbatim të Kushtetutës. Nuk është puna e Presidentit nëse kryeministri ka harruar apo nuk do të zbatojë Kushtetutën. Presidenti me shkresë të datës 4 janar 2021, për të mos lejuar këtë ka publikuar shkelje flagrante.

Kryeministri do që të autorizohet një marrëveshje e panegociuar, apo një marrëveshje në shkelje të Kushtëtutës. E kam vënë në dijeni 4 herë si ish- ministër të Jashtëm Edi Ramën, s?kam marrë asnjë përgjigje për të paraqitur këtë shqetësim. Kurse në Vlorë e paska ngritur këtë shqetësim. Do të shohim edhe ku ka probleme të veta. Është e qartë që këtu është shpërdoruar edhe mirëbesimi i palës tjetër?, tha Meta./ CNA.al

Skandal/ Ilir Meta e pranon publikisht: Unë kam bllokuar investimet në Vlorë