E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

30 vjetori i themelimit të RD/ Basha tregon “planin” pas 25 prillit

5 Janar 2021, 11:24, Politikë CNA

Kreu i PD, Lulzim Basha ka një mesazh për 30 vjetorin e themelimit të gazetës ?Rilindja Demokratike?.

Basha shkruan se udhëtimi RD-së në këto 30 vite ka qenë rrugë jo e lehtë dhe përpjekje e vazhdueshme për të ruajtur parimin mbi të cilin duhet të funksionojë një media në demokraci: lirinë e fjalës!

Kreu i PD thekson se Shqipëria është sot delja e zezë e Europës për lirinë e fjalës dhe të shtypit. Mes te tjerash, Basha nënvizon se angazhimi i tij i parë në funksion fjalës së lirë pas 25 prillit do të jetë anullimi i ligjit të censurës që qeveria ka përgatitur dhe do ta miratojë.

?Si sot 30 vjet më parë, Rilindja Demokratike themeloi shtypin e lirë shqiptar, duke zyrtarizuar të drejtën për të thënë të vërtetën siç është, jo siç e impononte regjimi komunist. Udhëtimi RD-së që shënoi dhe rrugëtimin e medias së lirë në këto 30 vite ka qenë rrugë jo e lehtë dhe përpjekje e vazhdueshme për të ruajtur parimin mbi të cilin duhet të funksionojë një media në demokraci: lirinë e fjalës!
Historia e 3 dekadave të shtypit të lirë në Shqipëri ka dëshmuar qartë se çdo betejë mes pushtetit dhe medias është fituar nga kjo e fundit. Liria e fjalës dhe informimit ka triumfuar pavarësisht presioneve të çdo lloji dhe përpjekjeve apo kërcënimeve të pushtetit për të mbytur të vërtetën që publikohet nga media. Shqipëria është sot delja e zezë e Europës për lirinë e fjalës dhe të shtypit. Raportet e organizatave ndërkombëtare e rendisin vendin tonë të fundit për lirinë e medias. Mediat janë paditur, gjobitur dhe diskriminuar financiarisht. Gazetarët janë burgosur, dhunuar dhe penguar në ushtrimin e profesionit. Mediat janë bllokuar apo mbyllur me urdhër të kryeministrit. Ndërsa shumë gazetarë janë sulmuar në mënyrë të organizuar nga makineria e propagandës qeveritare. Angazhimi i parë im i parë në funksion të lirisë së fjalës së lirë pas 25 prillit do të jetë anullimi i ligjit të censurës që qeveria në ikje ka përgatitur dhe do ta miratojë pavarësisht kundërshtive të gazetarëve dhe organizatave ndërkombëtare për lirinë e shtypit. Qeverisja e re e dalë nga zgjedhjet e 25 prillit do të punojë ngushtë me gazetarët dhe organizatat për lirinë e medias në për të miratuar statusin e gazetarit në bazë të cilit funksionon sot profesioni i gazetarit në vendet e BE dhe që përcakton qartë rregullat që nga paga minimale dhe mekanizmat mbrojtës nga çdo lloj presioni. Ne do të punojmë fort që renditja e turpit në raportet ndërkombëtare për lirinë e shtypit në Shqipëri të ndryshojë dhe media shqiptare të renditet aty ku e meriton. Le të jetë ky 30 vjetor, hapi i parë e ndryshimit të madh që do të garantojë standartin europian dhe do t?i japë frymëmarrjen dhe hapësirën e duhur medias dhe gazetarëve?, shkruan Basha./CNA.al