E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Çfarë e tremb më shumë Ilir Metën?!

5 Janar 2021, 10:34, Politikë CNA

Presidenti i Edi Ramës dhe Rilindjes, në detyrë, Ilir Meta gjithmonë e më shumë në daljet e tij televizive duket i shqetësuar, me një hall të madh dhe thuajse i trembur.

Për këto tre konstatime që tani nuk bëjnë më përshtypje Iliri përpiqet të ketë një qasje tjetër. Bën të fortin, sillet si patriot i madh, dhe në mënyrë kriminale ka personalizuar 25 prillin duke i bërë një dëm të madh PD dhe Lulzim Bashës.

Së pari Ilir Meta nuk është i fortë, por politikani më i korruptuar dhe lehtësisht i kapshëm në çdo moment, por ato veprime i bën me shpresë që të mbajë gjallë disa hajdutë që e ndjekin nga pas dhe me shpresën se po i vunë prangat do e mbështesë PD e kështu mund të shpëtojë.

Këtë rol e përdor dhe për të treguar tek ndërkombëtarët se ai mund të jetë një faktor destabiliteti i vendit, kështu që mund të marrë pazarin e radhës sa tek Rama që e zgjodhi president ashtu edhe tek ndërkombëtarët.

Ilir Meta nuk është patriot, ai luan me 100 porta vetëm e vetëm të ngelet në tregun politik. Patriotizmin e përdor si shumë te tjerë por është i vonuar. I pari e ka përdorur Sali Berisha dhe më pas gjithçka u shemb kur gjykata Kushtetuese i rrëzoi marrveshjen e detit me Greqinë, e ka përdorur Edi Rama në zgjedhjet e 2017 dhe tani grek e ulin dhe turk e ngrenë, e ka përdorur edhe Kreshnik Spahiu pa sukses, disa nga mbetjet e tij vijnë vërdallë nëpër parti të themeluara nga segmentet e korrupsionit të LSI-së.

Meta nuk është patriot, por dashurinë për Shqipërinë e ka vetëm sepse erdhi me brekë të grisura dhe është bërë miliarder duke mos punuar asnjë ditë as ai dhe as bashkëshortja e tij, por janë paguar nga taksat e shqiptarëve, e në rast se është patriotizëm hajdutëria politike, ai është kryepatriot.

Së fundi ngelet 25 prilli që sa më shumë flet Ilir Meta aq më të vëshitirë e ka Lulzim Basha. Meta po i vjedh Bashës lidershipin duke dalë ai sipër PD megjithse partia e Likes që sot menaxhohet nga Mona duket të jetë në katastrofë historike.

Këtë Meta e kupton mjaft mirë dhe jo pa qëllim ka zgjedhur të risë pazarin e tij që sot duke marrë protagonizëm të panevojshëm dhe duke u shpallur ai si ?luftëtari? i parë kundër Ramës, megjithse është presidenti i RIlindjes dhe Ramës, është ai solli Edi Ramën në pushtet, që e mbajti në 2017 dhe që sot bën sikur do ta rrëzojë.

Në fakt Ilir Meta ka vetëm një hall, ai nuk ka më asgjë nën kontroll, ikja nga president do e lerë me gisht në gojë dhe kjo e tmerron më shumë sesa burgu apo çdo gjë tjetër.

Aty në cep, mënjanë, pa asnjë njeri, i braktisur dhe i vetmuar, kanë filluar ta lëshojnë të gjithë ?besnikët? edhe Petrit Vasili do e pështyjë në surrat siç po bëjnë shumica e ish-miqve të tij. Prandaj dhe Iliri shfaqet si gjoja patriot i përvëluar që kërkon të rrëzojë Edi Ramën, me shpresën se do e përfillin, por mesa duket jo vetëm Rama, por edhe Basha ja ka hequr vizën.

Po vjen dimri i vetmisë të madhe për Ilirin që nga flori u bë një copë llamarinë e ndryshkur e hedhur tej që s?i duhet më askujt./ Elvi FUNDO-CNA.al