Çështja e detit me Greqinë/ Bushati tregon çfarë duhet të bëjnë dy vendet

5 Janar 2021, 17:05, Politikë CNA

Ish-ministri i Jashtëm Ditmir Bushati ishte i ftuar pasditen e sotme në rubrikën ??Opinion?? ka diskutuar për çështjen e detit dhe marrëdhëniet Shqipëri-Greqi.

Bushati konfirmon se deri më tani Shqipëria dhe Greqia nuk kanë gjetur zgjidhje, pasi vendosën të dërgojnë çështjen në një Gjykatë Ndërkombëtare.

?Mendoj që përsa i përket a kanë dështuar negociatat, përgjigjia duket se është e qartë, nga Rama dhe Dendias në konferencën e përbashkët për shtyp në Tiranë. Leximi im, nuk kam asnjë informacion zyrtar, por nga ky fakt do të thotë që nuk gjetën zgjidhje mes tyre.

Këtu dua të bëj një theksim që është shumë i rëndësishëm. Kam lexuar një tendencë, që kjo çështje u zgjidh që tani po shkon në Gjykatë. Nuk ka transferim të përgjegjësive. Gjykata do japë vendim përfundimtar, nuk do masë detin. Shqipëria dhe Greqia duhet të bëjnë një dokument të përbashkët më tej.

Ka qenë një gabim i Shqipërisë në 2009, një nen që e lejon Greqinë që të zgjerohet me 12 milje. Tejkalimi i shtetit shqiptar lidhur me të Drejtën Ndërkombëtare. Është një parim që ta njeh Konventa për të Drejtën e Detit. Por bëhet problematike për shtetet që janë fqinje në anë.

Përparësi do merrte parimi që përcakton Konventa. 12 miljë është deri në, kurse thelbi është barazlargësia. Po marrim gjirin e Korfuzit, aq afër është Shqipëria me Greqinë aty, është e paimagjinueshme të flitet për 12 milje. Do komunikim kjo çështje. Jam më i lirshëm sot se sa kur je në drejtim të gjithë asaj.

Unë e kam lexuar dekretin e presidentes greke, që në Ministrinë e Mbrojtjes, Flota Detare, Instituti i Gjeografisë, do jenë hedhur koordinatat, mjafton të hidhen në hartën dixhitale për të kuptuar në rast se është në përputhje me të drejtën ndërkombëtare. Deri tani s?ka ankesë zyrtare. Mund të ankohesh fare mirë në OKB”, tha Bushati./CNA.al