E fundit!

21:15 Aktualitet

"Një çoban e denoncoi"/ Si ra policia e Korçës në gjurmët e autorit të vrasjes së efektivit

Gazetarja Glidona Daci, në një lidhje me emisionin Opinion...

E shkarkuan për deklaratat në media/ Mjeku Allkja: Do bëj maksimumin që çështja të trajtohet në Strasburg

5 Janar 2021, 22:07, Politikë CNA

QSUT shkarkoi disa ditë më parë nga detyra mjekun e Urgjencës Ilir Allkja, pasi ngriti zërin për problemet e sistemit shëndetësor.

Për këtë ka reaguar sërish Allkja, i cili tregoi se gjatë këtyre ditëve i ëhstë përkushtuar familjes dhe ka takuar disa miq. Ai tha se për shkarkimin e tij ka kontraktuar një studio avokatie dhe do të bëjë një betejë dinjitoze ligjore.

?Kam kontraktuar një studio avokatie dhe do të bëj një betejë, është një akt i paprecedentë në 30 vite që një mjek linçohet publikisht dhe pushohet nga puna për motive politike?, u shpreh ai në Abc News, ndërsa u pyet se cili ishte shkaku real i shkarkimit.

?Në atë letër, vendimin e shkarkimit thuhet se kam nxjerrë informacione konfidenciale për mediat. Absolutisht jo. Unë kam kritikuar përgjigjen e dobët të sistemit shëndetësor. Kam folur rregullisht për numrin e testimeve, infektimeve, trajtimeve në përgjithësi këto. Kam kërkuar ndryshime dhe përmirësime në sistem dhe gjithçka

Çdo vërejtje e kam bërë për motive profesionale. Nuk kam kontratë që nëse duhet të flas për problemet e sistemit shëndetësor duhet të kërkoj leje. Është idiot ky lloj përcaktimi në kontratë, se nuk mund të kërkosh leje që unë do të kritikoj ty në media.

Nuk kam asnjë shtojcë në kontratë që më ndalohet komunikimi në media. Pasi unë gjatë orarit të punës kam respektuar punën. Gjithcka ka ndodhur se pas orarit të punës kam marrë pjesë në protestat për mbrojtjen e teatrit. Kam protestuar kundër zgjedhjeve njëpartiake. Kam kritikuar disa politika të caktuara të qeverisë. Nuk kam menduar kurrë se mund të pushohem nga puna për kritikat?, theksoi mjeku.

?Është një vendim i kompozuar shumë dobët. Shkruhet, që kam sulmuar drejtuesit e QSUT-së, kur nëse unë bëj një thirrje drejtorit të QSUT-së dhe i kërkoj përgjegjshmëri, pasi gjatë pandemisë nuk kam parë asnjë dalje, apo kontribut të tij. Nëse unë them zoti drejtor dorëhiquni, ky nuk është sulm. Do të bëj maksimumin që kjo çështje të trajtohet në Strasburg.

Për ndërrimin e vitit prisja të merrja një shpërblim, atë natë do të isha në punë, por do ta festoja të nesërmen, por unë marr pushimin nga puna. Edhe në diktaturë mjekët që nuk i donte sistemi nuk i hidhte në rrugë i dërgonte në zona të thella. Jam familjar, kam një shtëpi dhe makinë me kredi dhe banka është e ftohtë në këtë aspekt. Nëse do të më kishin thirrur dhe do më thonin se nëse prononcohesh për problemet do të pushohesh, unë nuk do ta bëja?, nënvizoi më tej Ilir Allkja./ CNA.al