E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

‘Sjellja e policisë arrogante dhe e papranueshme’/ Emri Vata: Vrasja e të riut nxjerr zbuluar procedurat e përzgjedhjes së efektivëve

10 Dhjetor 2020, 16:44, Aktualitet CNA

Ish-drejtuesi i Policisë së Shtetit Emri Vata ishte i ftuar pasditen e sotme në fax neës, ku ka komentuar vrasjen e 25-vjeçarit Klodian Rasha nga një punonjës policie.

Vata tha se gjithçka lidhet me trajnimet që kalojnë personat para se të bëhen pjesë e policisë së shtetit, dhe vendosin armë në brez.

Ai tha se Policia e shtetit prej 3 vitesh është duke kryer aktet të dhunshme dhe në tejkalim të ligjit, ndërsa shtoi se në rastin e 25-vjeçarit përgjegjësia është personale.

?Është një ngjarje shumë e ndjeshme për komunitetin dhe kam besimin e plotë që do hetohet plotësisht në mënyrë të paanshme dhe të gjithanshme.

Sa i takon ndjesisë, ajo ishte jashtëzakonisht shumë e dhimbshme qoftë për viktimën qoftë edhe për punonjësin e policisë. Sjellja e policisë me qytetarët është arrogante dhe e papranueshme, duke marrë në sinkron të gjitha ngjarje që kanë ndodhur në 2-3 vitet e fundit, ku Policia është sjellë në mënyrën më të keqe të mundshme me qytetarët.

Nuk shikojmë në asnjë rast që Policia të këshillojë, por shkojnë direkt te gjoba, te arrestimi apo te burgu. Rrjedhimisht që do të ndodhte kjo ngjarje një ditë. Ishte një ngjarje e pritshme, po të marrësh në rrjedhojë të gjitha veprimet që ka ndërmarrë Policia. Është një orientim shumë i gabuar që i është bërë Policisë, nuk ka funksionuar Policimi në komunitet, qoftë për të marrë informacione, qoftë për të qenë pranë qytetarëve.

Në këndvështrimin tim, defektet kanë nisur që te trajtimi, që është A-ja e punonjësit të Policisë, nuk mund të pretendosh që ti vendosësh një personi në brez armën, pasi ka mbaruar gjimnazin dhe një kur gjashtë mujor. Duhet të funksionojnë trajtimet, pasi kanë shumë përgjegjësi dhe ata persona që e kanë përzgjedhur këtë person që të jetë pjesë e Policisë së Shtetit. A janë njohur këta persona me ligjin për përdorimin e armëve, për përdorimin e forcës?! Ajo që më bën përshtypje mua, është që i ndjeri ka nsjë plumb në shpatull, ku është vetëmbrojtja këtu, ai person ka qenë duke ikur. Duhet të mbajnë përgjegjësi ata persona që e kanë trajtuar oficerin e Policisë, Policia drejton për një maskë armën e qytetarit, njësoj si gjahtari që drejton armën ndaj lepurit.

Trajtimi i punonjësve të Policisë nxjerr zbuluar të gjithë gamën e gjërave që janë bërë derimë tani, nuk mund të futet në Policinë e Shtetit një person që është shoqëruar më parë me persona me precedent, apo ka të afërm që janë kontigjent të Policisë?, shprehet Vata.