E fundit!

13:19 Aktualitet

Braho, “shuplakë” politikës: Më vjen mirë që SPAK-u është i papëlqyer nga të dyja kahet

Kreu i SPAK-ut, Klodjan Braho, i ka dhënë një shuplakë pol...

Veliaj reagon për vrasjen e Klodian Rashës/ Jam vetë baba, nuk ka gjë më të rëndë! Pema dhe zbukurimet, rraqe janë

10 Dhjetor 2020, 13:21, Aktualitet CNA

Kryebashkiaku Erion Veliaj, ka reaguar lidhur me vrasjen e 25 vjeçarit Klodian Rasha nga një efektiv policie dy ditë më pare.

Veliaj u shpreh se familja ka të gjithë të drejtën e botës të kërkojë drejtësi sepse kanë humbur djalin e tyre. Kryebashkiaku teksa vizitonte një nga familjet e prekura nga tërmeti, tha se është vetë babai i një djali dhe e kupton dhimbjen e madhe që ndjen familja e Klodit,

Ndryshe nga çdo herë tjetër, Veliaj mirëkuptoi dhe dëmet që u shkaktuan gjatë protestës, duke thënë se ato ?janë rraqe dhe rregullohen përsëri?.

?Unë jam babai i një cuni të vogël dhe e marr me mend si është thyer zemra e atij babait të Klodit, djalit që u vra. Se nuk besoj se ka gjë më të rëndë se me te humb fëmija. Një ditë do kesh vetë fëmijë dhe e kupton ca dhimbje është kur sëmuret dhe jo ta humbasësh. Ajo familje është zemërtheyr dhe ka të gjithë të drejtën e botës të jetë e mërzitur, këtë nuk e luan topi. Dhe që kanë merak për drejtësi, dhe kjo kuptohet. Imagjino sa gjëra kanë ndodhur në këtë shtet dhe nuk kanë pa drejtësi. Kanë të gjithë të drejtën e Zotit të mërziten. Edhe ato që prishin edhe dëmtojnë qytetin, rraqe janë dhe i rikuperojmë prap. Jeta do vazhdojë. Ka një lloj mirëkuptimi kur mërzinë e shfryn. Por duhet të bëhet drejtësi, s?duhet lënë si 21 janari që të vriste shteti dhe pastaj bëheshin heronj. Ai që e ka bërë gabimin duhet të mbajë përgjegjësi. Ka të drejtë familja që është zemërthyer, se e mirëkuptoj totalisht. Ka të drejtë dhe një pjesë se jo të gjithë janë të dhunshëm. Një pjesë e qytetarëve kanë një revoltë dhe thonë kjo s?duhet të ndodhë. S?ka asnjë arsye për t?i marrë jetën dikujt.

Kurse ajo minoranca që shkatërron s?ka problem. I rregullojmë prap. Në këtë fazë do inkurajuar drejtësia t?i shkojë deri në fund kësaj pune. Ti zbardhi rrethanat dhe të vendoset një standard i ri që këtu nuk ndodh gjë pa u ndëshkuar. Pastaj për të pastruar e për të rregulluar pemë e drita, punë e madhe, rraqe janë?, u shpreh Veliaj./CNA.al