E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Mira Rakacolli tregon veprimin e "çuditshëm" të pacientëve të infektuar me Covid-19

17 Nëntor 2020, 19:12, Lifestyle CNA

Prej ditësh në Shqipëri raportohen rritje e rasteve të të infektuarve dhe pacientëve që humbin jetën për shkak të pandemisë së Covid-19. Ky trend ka detyruar Komitetin Teknik të Ekspertëve të marrë masa të reja kufizuese, masa këto që konkretisht konsistojnë tek ndalimi i grumbullimit të më shumë se dhjetë personave në ambientet e mbyllura ose të hapura.

Zëvendësministrja e Shëndetësisë, Mira Rakacolli, shpjegoi masat e marra në një intervistë me gazetaren Ilva Tare në Euronews Albania. Sipas saj masat kufizuese janë ndërmarrë pas rritjes së rasteve të qytetarëve të prekur me coronavirus.

?Kanë qenë të ndaluara grumbullimet, por duke bërë analizën e situatës e pamë të nevojshme ta theksojmë këtë informacion. Situata epidemiologjike e bëri të domosdoshme që ta rivëmë në vëmendjen këtë masë. Nuk do të ketë asnjë aktivitet as në ambient të hapur dhe në asnjë ambient të mbyllur. Situata është dinamike dhe ne e ndjekin situatën dhe në varësi të shifrave përshtatim masat, që mendojmë se janë më efikasitet për periudhën që po kalojmë?, tha ajo.

Ajo tha se pavarësisht situatës jo të mirë nuk është menduar akoma një skenar për të shkuar tek rimbyllja e ekonomisë.

?Jo, për momentin kjo nuk është akoma. Ne e kemi sqaruar edhe herë tjetër situatën, që është gjithmonë një kombinim faktorësh që ka të bëjë me shtrimet në spitale, numrin e atyre që humbin jetën dhe respektimin ose jo të masave që rekomandojmë. Një kombinim i tyre na çon ne në shtim të masave kufizuese?, shtoi ajo.

Të ndjerë të frikësuar, shumë qytetarë kanë zgjedhur të përdorin bombola të oksigjenit në banesë. Kjo qasje sipas znj. Rakacolli është e gabuar, ndërsa ftoi qytetarët të komunikojnë me mjekun e familjes mbi gjendjen e tyre shëndetësore.

?Në shtëpi rekomandohet që të ndiqen rastet e lehta dhe të mesme kur kanë një nivel të caktuar oksigjeni, është pikërisht niveli i oksigjenit 93-94% që pacienti mund të qëndrojë në shtëpi me rekomandimin e mjekut të familjes. Ky është një fenomen që njerëzit kanë filluar të përdorin aparat oksigjeni në shtëpi. Trajtimi duhet të bëhet i vëmendshëm dhe i specializuar. Unë personalisht nuk ua rekomandoj këtë trajtim në shtëpi?, shtoi Rakacolli.

Gjithashtu znj. Rakacolli tha se ka pacientë, të cilët vijojnë të thyejnë karantinën duke vënë në rrezik jetën e qytetarëve. Ajo deklaroi se të gjithë qytetarët e prekur me Covid-19 janë të regjistruar dhe ka një databaze për to.

?Thelbi i kontrollit të pandemisë është bërja e testit, por është edhe izolimi. Testimi nuk ka kuptim nëse nuk pasohet nga izolimi. Çdo person tjetër kontakti, duhet detyrimisht edhe që të izolohet sipas të gjitha rekomandim rekomandimeve. E them me përgjegjësi: Lista shkon në polici. Thelbi është mos-dalja dhe mos-shpërndarja e infeksionit. Ne na qëllon edhe kështu, p.sh epidemiologu e merr në telefon dhe i thotë se po të vijë ai (pacienti) i thotë hajde më vonë se kam dalë dhe kjo është e tmerrshme. Raportohet në polici, por ndërkohë e keqja është bërë tashmë se ai ka dalë.Të gjithë pozitivët, nuk ka rëndësi se ku e bën testin. Testet që bëhen tek privati konfirmohen tek ISHP-ja. Të gjithë njerëzit që janë pozitivë janë nëpër databaze, dhe bëhet maksimumi për të bërë një gjurmim dhe izolim të tyre?, shtoi ajo./euronews