Rrëzimi i helikopterit ushtarak në Shkodër/ Granit Shahu shpalli fajtor të vdekurit

15 Nëntor 2020, 09:35, Vetingu CNA

Me 6 prill 2016, helikopteri i Forcave Ajrore shqiptare u rrëzua në ujërat e liqenit të Shkodrës pranë fshatit Grizhë të Malësisë së Madhe, duke shkaktuar vdekjen e dy pilotëve dhe një të plagosur.

Hetimi për këtë ngjarje u kryesua nga prokurori Granit Shahu, i cili ishte kandidat për Prokuror të Përgjithshëm të përkohshëm në vitin 2017, por që u skualifikua me Vetting parlamentar.

Hetimet zgjatën dhjetë muaj dhe prokurori Granit Shahu konkludoi se ngjarja ka ardhur si pasojë e gabimit njerëzor të të dy pilotëve, që humbën jetën në këtë aksident.

Sipas prokurorit Shahu se personat që kanë konsumuar veprën penale, ishin dy ushtarakët që janë humbën jetën.

Gjate 10 muajve të hetimit, organi i akuzës hetoi për dy vepra penale, ?lëvizja e trupave pa të drejtë? dhe ?shkelje e rregullave të fluturimit ajror?.

Dhe duke qenë se nga ky aksident humbën jetën të dy pilotët, organi i akuzës ka mbyllur përfundimisht hetimet për këtë ngjarje.

Njëjsoj si në aksidentet rrugore ku faji i lihet viktimës, ndaj për këtë ngjarje ka pasur gjithnjë dyshime, që janë ngritur nga mediat.

Se përse u mor helikopteri, kush ishin urdhëruesit, ku do të shkonte, zyrtarrisht nuk u zbulua kurrë e vërteta. Të vdekurit nuk mund të flasin derisa bëhen fajtorë nga prokurori Granit Shahu.

Nuk dihet nëse kjo dosje e prokurorit Granit Shehu do të hetohet nga Vettingu, tashmë që kanë kaluar më shumë se katër vite.

Por, kujtojmë se në vititin 2016 ?Rilindja Demokratike?, do të shkruante se se helikopteri që u rrëzua në Liqenin e Shkodrës po transportonte mermer për rezidencën e ministres së Mbrojtjes, Mimi Kodheli në Vermosh.

Bazuar në një denoncim të ëish kryeministrit Sali Berisha, shkruhej se Qeveria po përpiqej të fshihte shkaqet dhe rrethanat.

Për këtë arsye në atë kohë, ish kryeministri Berisha i kërkoi Parlamentit që të ngrejë urgjentisht komisionin e verifikimit me çdo kusht të këtyre të dhënave tejet tronditëse.

?I bëj thirrje Presidentit të Republikës të shfrytëzojë të gjithë kompetencat e tij për të verifikuar rrethanat dhe shkakun e kësaj tragjedie?, apelonte Berisha./CNA.al