web counter
LEXO PA REKLAMA!

SHKARKO APP

App Store
Google Play

“Më thonë që u vjen pak zor…”/ Kryemadhi ‘hap dyert” për çdo socialist

14 Nëntor 2020, 17:38, Politikë CNA

Kryetarja e LSI-së Monika Kryemadhi, në një bashkëbisedim me strukturat e njësisë nr 1 në Tiranë deklaroi se Lëvizja Socialiste për Integrim i ka dyert e hapura për çdo socialist që kërkojë të ndryshojë të ardhmen.

Kryemadhi theksoi se pandemia Rama po iu merr frymën qytetarëve, kurse shtoi se duhet të përmbyset sistemi i ngritur Rama, ku paratë shkojnë në duart e pak njerëzve.

?Edhe unë jam socialiste nuk jam anëtare e rilindjes. Socialiste do të thotë të ndash energjinë dhe pozitivitetin me miqtë dhe me shokët. Unë e mora vendimin për të qenë socialiste e lirë dhe bashkë me shumë të rinj e të reja krijuam LSI dhe sot shumë të rinj dhe të reja mbasi ndihen të asfiksuar marrin një vendim për t?u shkëputur nga zinxhirët e Edi Ramës dhe rilindjes. LSI i ka dyert e hapura për çdo njeri që do të jetë pjesë e politikës, do të ndryshojë të ardhmen e tij.

Sepse sot në këto vite të vështira të ekonomisë, në këto vite dhe në këtë rrëmujë të jetës së shqiptarëve, por dhe në këtë muaj të frikës dhe pandemisë, që përveç covid kemi dhe pandeminë Rama që ju merr frymën njerëzve dhe me fluturat imagjinare të mendjes së tij, që jo vetëm nuk i krijon mundësi shqiptarëve por i mbyll ata. Në këto 4 vite, që ky zotëria i kishte të gjithë tespsinë, a krijoi më shumë vende pune, a rriti rroga, a uli kostot, a rriti pagat e mjekëve dhe infermierëve, a i uli çmimet e taksat?

Kur takoj socialistë të cilët nganjëherë ju vjen pak zor, ata thonë Monika kemi 7 vjet që dëgjojmë vetëm premtime dhe zero realizime. Dëgjojmë projektet e tij 3D por ne s?kemi mundësi të paguajmë faturat e energjisë elektrike dhe ilaçet, por nuk kemi as mundësi të flasim sepse kemi frikë se na kërcënojnë?, deklaroi Kryemadhi./CNA.al





Lajmet e fundit nga