web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi nis takimet me të rinjtë/ “Nuk do të jetë Vlora si kamardare për Ramën”

14 Nëntor 2020, 12:47, Politikë CNA

Kreu i FRPD, Belind Këlliçi ka zhvilluar në qytetin e Vlorës një takim me të rinjtë demokratë.

Këlliçi është shprehur se këto ditë deri në zhvillim e zgjedhjeve parlamentare në 25 prill, do të jenë intensive. Në një postim në rrjetet sociale Këlliçi shkrua se lungomarja për të cilën kryeministri flet prej 7 vitesh nuk përfundon kurrë dhe se lagjet brenda qytetit janë për turp.

Këlliçi ka bërë një panoramë të Vlorës ku sipas tij qendra e vjetër e qytetit është boshatisur nga bizneset. Sipas kreut të FRPD-së, ende nuk dihet cili është kryebashkiak, Afrim Qëndro apo Dritan Leli.

?162 ditë na ndajnë nga FITORJA më 25 prill. Deri atëherë, do të jenë ditë intensive për të gjithë të rinjtë demokratë. E nisëm nga Vlora. Aty ku deputeti-kryeministër ka 7 vjet që flet për një lungomare që s’përfundon kurrë dhe 5 vjet për një aeroport imagjinar që do të punësojë vlonjatët.
Të rinjtë e FRPD ndanë me ne shqetësimet e tyre dhe të prindërve të tyre. Lagjet brenda qytetit janë për turp! Shpura qeveritare me makina luksi nuk hyn nëpër lagje. Doemos, s’ka asgjë për të treguar. Kapardisjet lart e poshtë buzë detit, përfundojnë me dreka luksi për drejtorat e rilindur. Paguajnë vlonjatët për to.
Qendra e vjetër e qytetit, aq shumë e pompuar si sukses, është e boshatisur nga bizneset. Flasin për turizëm në qytetin me dy dete që vuan për ujë! Transporti urban është në gjendje të mjerueshme. Në Vlorë ende nuk dihet cili është kryebashkiak, Afrim Qëndro apo Dritan Leli… Nuk është Vlora, veç një lungomare. Nuk do jetë Vlora për Ramën kamardare?, shkruan Këlliçi në Facebook./CNA.al





Lajmet e fundit nga