web counter
LEXO PA REKLAMA!

SHKARKO APP

App Store
Google Play

Dita Botërore e Diabetit/ Meta thirrje qeverisë: Mos braktis qytetarët e prekur nga kjo sëmundje

14 Nëntor 2020, 11:42, Politikë CNA

Në Ditën Botërore të luftës kundër Diabetit, presidenti Ilir Meta ka shkruar se konstatohet një rritje e numrit të fëmijëve të prekur nga kjo sëmundje.

Në një postim në rrjetet sociale, Meta i ka bërë thirrje shtetit të mos braktisë  qytetarët e prekur nga sëmundja e diabetit.

Presidenti shkruan se në situatën e pandemisë Covid-19 duhen paketa konkrete të ndihmës ekonomike për këtë kategori për të parandaluar përkeqësimin e shëndetit të tyre.

?Sot, Dita Botërore e luftës kundër Diabetit, e gjen Shqipërinë me rreth 75 mijë qytetarë, të cilët vuajnë nga diabeti i tipit 2 dhe tipit 1. Ndërkohë që konstatohet edhe një rritje e numrit të fëmijëve të prekur prej saj. Një nga kërkesat e drejta, por të pazgjidhura ende, është ribursimi për kategoritë më në nevojë, që për shkak të kushteve të vështira ekonomike e kanë të pamundur përballimin e kostove të larta të mjekimit. Në situatën e pandemisë COVID-19, situata në të cilën ata ndodhen duhet parë me përparësi absolute, nëpërmjet paketave konkrete të ndihmës ekonomike, të dedikuara në parandalimin e përkeqësimit të mëtejshëm të shëndetit të tyre.
Të prekurit nga diabeti, në mjerim dhe varfëri, të mbështeten dhe të mos braktisen nga shteti?, shkruan Meta në Facebook./CNA.al





Lajmet e fundit nga