Ndryshimet në Kodin Zgjedhor/ Shehi: Opozita e bashkuar do dalë me dy lista për zgjedhjet e 25 prillit

14 Nëntor 2020, 10:13, Politikë CNA

Kryetari i Partisë Lëvizja për Zhvillim Kombëtar, Dashamir Shehi deklaroi se, së shpejti do të vendoset për koalicionin opozitar dhe se mendohet se do të dilet me dy lista në zgjedhjet e ardhshme parlamentare të 25 prillit.

Shehi u shpreh se beson se brenda nëntorit do të arrihet një marrëveshje mes LZHK dhe PD-së sa i përket koalicionit.

?Besoj se po. Kështu është edhe premtimi edhe pretendimi, edhe koha është bërë. Besoj që kjo punë do të mbyllet së shpejti. Punë ditësh është. Ne do të dalim bashkë kjo është e gjithë ideja. Ne disa parti të djathta. Me gjithë LSI bashkë do dalim ne si opozitë. Vetëm se çështja e listave mund të krijohet ideja për t?u bërë dy lista më vete. Por ne do të bashkohemi me listën e PD-së. LZHK-ja dhe disa parti të tjera do të hyjnë në listë me PD-në?, theksoi Shehi për ?ATSH?.

Shehi shtoi më tej se brenda këtyre javëve do të vendoset nëse LSI dhe PD do të hyjnë në një listë të përbashkët ose me lista të veçuara.

?Ndërsa për atë nëse LSI do të hyjë bashkë me PD-në ajo është një gjë që do ta vendosin brenda këtyre dy javëve. Besoj. Sepse në radhë të parë është punë e tyre. Ne e kemi pas bërë një marrëveshje me PD-në. Është PD në mes, është çerniera që i lidh të gjithë palët?, tha Shehi.

Shehi shtoi se, ?deri tani jemi në këtë status dhe besoj se kështu do vazhdojë deri ditën e zgjedhjeve?, tha Shehi.

I pyetur në rast se nuk do të ketë koalicion me PD, a është i gatshëm të bëjë një koalicion me partitë e tjera të djathta që janë krijuar duke formuar kështu një pol të tretë, Shehi tha se ftesa e tyre është e hapur që krerët e partive të reja të bashkohen me ta.

?Jo. Ne i ftojmë të gjithë të vijnë këtu tek ky bashkimi ynë. Do të ishte e tepërt. Një pol LSI, një pol të tjerët. Këtu ka grupe që s?kanë për të hyrë në asnjë. Do të krijosh një hutim në elektorat, një paqartësi. Nuk është se këtu ne jemi një shoqëri e edukuar, e avancuar demokratikisht që është në gjendje të bëjë dallimin nga ky grup, tek ai grupi tjetër?, tha Shehi.

Kreu i LZHK tha se opozita do të dalë me një listë që mund të jetë praktikisht e ndarë në një ose në dy grupe, por politikisht do të dalë në një marrëveshje të përbashkët.

Sa i përket listave Shehi u shpreh i keqardhur që nuk u hapën plotësisht. ?Mua më vjen keq që nuk u hapën. Kjo në fakt është një lloj justifikimi. S?po dua të them një gënjeshtër e madhe, sepse në fakt ashtu është. Sepse lista faktikisht nuk është e hapur me thënë të drejtën. Kur të zbatohet në terren do ta kuptojnë të gjithë që s?është e hapur. Ky është kërcim me shkop, ne akoma s?kemi mësuar këtë kërcimin e thjeshtë. Duhet të vish nga mbrapa listët ti me shumën e votave mesatare për partitë, domethënë një ngatërresë e madhe, për të kapërcyer të fundit e listës paraardhëse?, tha ai. CNA.al/