web counter
LEXO PA REKLAMA!

SHKARKO APP

App Store
Google Play

“Gabimi im është heshtja”/ Patozi: Kërkova të kandidoj përballë Bashës, por mu mohua

11 Nëntor 2020, 22:20, Politikë CNA

Koordinatori i Bindjes Demokratike, Astrit Patozi, ka treguar njëherë e mirë arsyet se përse nuk do të pranonte që të lidhte koalicion me Lulzim Bashën.

Patozi tha se Basha nuk pranoi që të bënte një reformë të brendshme në PD, ndonëse ai kërkonte të kundërtën kur ishte anëtar i kësaj partie.

Ai rrëfeu se ka kërkuar që të kandidojë përballë Lulzim Bashës dhe nuk ia kanë pranuar kërkesën, ndërsa tregoi se Basha i ka refuzuar edhe bashkëpunimin.

?Kam vazhduar linjën time, kam kërkuar brenda PD për reformë të brendshme, kërkonim reformë të jashtme. Kam kërkuar të kandidoj përballë Bashës, por mu mohua, nuk mu plotësua. I kërkova Bashës të pajtohemi. U bë lëvizja për ringritjen e PD. I hodhën dorën e bashkëpunimit Bashës, e hodhi në koshin e plehrave. Partitë para zgjedhjeve krijohen, se nuk krijohen kështu. Unë në të gjitha qëndrimet e mia kam qenë i drejtpërdrejtë. Jam dhe kam një koherencë që i qëndroj çdo fjalie.

Gabimet e mia më të mëdha kanë qenë kur heshtja. Por kur flisja thoja të vërteta, dhe do i mbroj derisa të merrem me këtë zanat. Gjithë ideja është partitë e reja për shkak të opozitës së vjetër. Në se opozita nuk do ishte e vjetër në mentalitet, nuk do ishin këto parti të reja. Këta nuk pranojnë që kam bërë dy hapa më djathtas se PD. Pse thotë ndonjë nga PS që iku Meta pse na i bën ky këtë? Kam 8 vite që u them, 0 çuna mos hyni në atë derë, mor trima, dhe tani thonë çfarë bën ky. Kemi një projekt të ri dhe duam ta provojmë?, theksoi koordinatori i Bindjes Demokratike në ?Real Story?./ CNA.al





Lajmet e fundit nga