web counter
LEXO PA REKLAMA!

SHKARKO APP

App Store
Google Play

Lirohet nga detyra prefektja e Tiranës/ Zbulohet kush e zëvendëson

11 Nëntor 2020, 18:32, Politikë CNA

Ditën e sotme është liruar nga detyra prefektja e qarkut të Tiranës Suzana Jahollari.

Vendimi është marë gjatë mbledhjes së Këshillit të Ministrave, ndërsa ende nuk dihet shkaku që ka dërguar në lirimin e saj nga detyra.

Jahollari është zëvendësuar menjëherë nga Toni Gogu, i cili aktualisht mban edhe postin e kryetarit të Këshillit Bashkiakt të Tiranës.

?Në mbështetje të neneve 100 e 114, të Kushtetutës, dhe të nenit 5, të ligjit nr.107/2016, ?Për prefektin e qarkut?, me propozimin e ministrit të Brendshëm, Këshilli i Ministrave vendosi: Znj. Suzana Jahollari, prefekt i Qarkut të Tiranës, lirohet nga kjo detyrë. Z. Toni Gogu emërohet prefekt i Qarkut të Tiranës. Ky vendim hyn në fuqi menjëherë dhe botohet në ?Fletoren zyrtare?, thuhet në njoftimin e Këshillit të Ministrave.

Ndërkohë, kujtojmë se Toni Gogu ka qenë më parë zëvendësministër i Drejtësisë. Ai ka mbajtur poste të rëndësishme edhe në institucionet shtetërore. Për  shtatë vite ai ka ushtruar detyrën e drejtorit juridik në Bankën e Shqipërisë si dhe atë të drejtorit të Agjencisë së Sigurimit të Depozitave./ CNA.al





Lajmet e fundit nga