E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

"Spitalet në kolaps"/ Rama thumbon opozitën, thirrje qytetarëve: Çeta e çakërdisur po përhap panik

11 Nëntor 2020, 18:56, Politikë CNA

Kryeministri Edi Rama ka reaguar sërish ashpër lidhur me deklaratat e opozitës për situatën shëndetësore në Shqipëri dhe për trajtimin e të sëmurëve me Covid-19.

Rama thumon opozitën dhe deklaron se çeta e çakërdisur e opozitaristëve pa vizion po nxjerr tërbim për t?i futur tmerrin qytetarëve.

Ai i bën thirrje shqiptarëve të kenë besim, të jenë të kujdesshëm, të respektojnë rregullat dhe të mos bien pre e lajmeve të rreme.

?Shumë tërbim sot nga çeta e çakërdisur e opozitaristëve pa vizion, pa program, pa ide dhe as din e iman, me daljen para syve tuaj të pamjeve e të dëshmive nga brendia e spitaleve Covid 1 dhe 3!

Duan t’ju fusin ankthin, t’ju kallin tmerrin e t’ju mbushin me panik, për “spitalet në kolaps”, “të sëmurët që dergjen dyshemeve”, “situatën jashtë kontrollit” dhe ëndërrojnë që kështu të ndodhë vërtetë, të sëmureni sa më shumë, të vdesin sa më shumë njerëz, të bëhet qameti fare, sepse kjo është shpresa e tyre e fundit për t’u rikthyer në pushtet…

Por siç e patë dhe siç do ta shihni edhe në pjesët e tjera ekskluzive me pamje e dëshmi, spitalet Covid nuk janë aspak në kolaps, shtretërit e lirë nuk mungojnë, pacientët trajtohen me dinjitet, respekt, profesionalizëm, asnjë protokoll mjekësor anti-Covid që përdoret sot në Europë nuk mungon dhe shifrat e tregojnë qartë, që niveli i infektimeve e i humbjeve të jetëve s’është aspak ndryshe nga askund në Europë, ashtu sikundër tregojnë se niveli i shërueshmërisë në spitale është i lartë, pavarësisht fataliteteve që njësoj si në gjithë botën fatkeqësisht nuk mungojnë.

Kini besim, bëni durim, jini të kujdesshëm për veten e të dashurit tuaj, respektoni rregullat, mos bini pre e lajmeve të rreme, fabrikimeve politiko – mediatike dhe teorive të konspiracionit! Kemi përpara edhe disa muaj të vështirë, por do t’ia dalim edhe kësaj lufte dhe do dalim më të fortë prej saj!?, shkruan kreu i qeverisë në rrjetet sociale./ CNA.al