web counter
LEXO PA REKLAMA!

SHKARKO APP

App Store
Google Play

Arben Gjata deklaratë “bombë”/ Numri i të infektuarve dhjetëfish më shumë sesa raportohet

11 Nëntor 2020, 19:38, Politikë CNA

Kryetari i Task-Forcës anti-Covid, Arben Gjata, ka ngritur aludime të forta se shifra e të infektuarve është shumë herë më e lartë sesa raportohet nga Instituti i Shëndetit Publik.

Ai tha se shumë qytetarë nuk tregojnë se janë infektuar dhe shumë të tjerë kanë frikë ta bëjnë tamponin.

Duke marrë shkas nga kjo, Gjata deklaroi për Tv Klan se numri i të infektuarve dhe të sëmurëve është dhjetëfish më shumë seç raportohet.

?Duke nisur nga fakti që disa kanë frikë të kryejnë tampon, disa kryejnë vetëm skaner pulmoni dhe disa të tjerë nuk tregojnë se janë të infektuar. Nisur edhe nga raportimet ndërkombëtare, numri i të infektuarve dhe të sëmurëve është dhjetëfish më shumë se ato që raportohen?, u shpreh ai.

Kryetari i Task-Forcës anti-Covid kritikoi edhe masat e reja të vendosura nga Komiteti Teknik, teksa tha se kufizimi duhet të ishte më i gjatë.

?Nëse do ishte për mendimin tim personal, unë do isha për mbyllje për një orar më herët, por vendimi u mor nga Komiteti Teknik, i cili është i përbërë nga ekspertë dhe që kanë dalë në konkluzion në bazë të të dhënave që kanë në terren?, nënvizoi Gjata./ CNA.al





Lajmet e fundit nga