E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

“Bashën e shoh si rival”/ Patozi: Nuk më intereson nëse humb vota

11 Nëntor 2020, 21:19, Politikë CNA

Koordinatori i Bindjes Demokratike, Astrit Patozi, i është përgjigjur akuzave dhe kritikave që janë bërë ndaj tij për shkak se ka dalë kundër kryetarit të opozitës Lulzim Basha.

Patozi tha se në PD mungon çdo normë bashkëjetese që ka një organizatë politike, ndërsa theksoi se ishte Lulzim Basha ai që e largoi dhe e detyroi të dilte kundër tij.

Ai deklaroi në emisonin ?Real Story? se i ka bërë disa herë thirrje Lulzim Bashës që të mos bashkëpunonte me kryeministrin Edi Rama, por u shpreh se ai nuk e dëgjoi.

Patozi nënvizoi se tashmë ai Bashën e ka rival dhe nuk i intereson nëse ky i fundit do të humbë mbështetje dhe vota.

?Ne pranuar fatin e 2017. Kishim dy rrugë, ose të merreshim me politikë por kundër PD, jo thjesht se na përjashtoi, por se koncepti që kemi ne për politikën me atë që po ndodh. Aty mungon çdo normë bashkëjetese në një organizatë politike. Ose do rrinim në shtëpi, ose do bënim projekt të ri.

Më e vështirë si sfidë kjo e dyta, por është zgjedhje jonë. Askush prej nesh, të paktën flas për përfaqësuesit e Bindjes Demokratike. Mund të themi që jemi të bindur në sukses. Ne suksesin e shohim tek rrethanat që janë krijuar, me qëndrimin e shqiptarëve ndaj tre partive.

E para, ne jemi opozitë, kjo është zgjedhje. Fakti që kemi dalë në fushën e meidanit, ishim në zgjedhje, jemi prap zgjedhje. Dy mundësi ka, ose do jemi qeveri, ose opozitë. Ne jemi opozitë e qartë. Por jemi ndryshe nga opozita e Bashës dhe Kryemadhit. Kjo është zgjidhje. Thotë se nëse dalim ne, Basha humb vota, kujt po i intereson. Unë e shoh si rival.

Luftojmë për vend nderi. Duam të jemi forcë. Ne jemi të ndryshmit e vetëm në fushë sot. Ka tre alternativa të konsumuara Shqipëria sot, qeveria e korruptuar e skandaloze e Edi Ramës, dhe opozita e kompromentuar e Bashës dhe Kryemadhit. Këto janë, ne do të tentojmë, disa forca bashkë, ose disa veç e veç, do të tentojmë t?i japim vendit një alternativë të tretë?, tha koordinatori i Bindjes Demokratike./ CNA.al