web counter
LEXO PA REKLAMA!

SHKARKO APP

App Store
Google Play

Raporti i Dick Marty/ Balla: Basha duhet të shërbejë si dëshmitar i penduar

10 Nëntor 2020, 10:04, Aktualitet CNA

Raporti i Dick Marty ka nxitur debate gjatë ditëve të fundit mes kreut demokrat Lulzim Basha dhe kryeministrit Edi Rama. Ky i fundit, i ka kërkuar Bashës që të tregoj publikisht rolin që ai ka pasur në hetimin e UÇK-së.

Por këtyre debateve, iu është bashkuar ditën e sotme edhe kreu i grupit parlamentar të Partisë Socialiste Taulant Balla.

Përmes një postimi në rrjetin social, teksa ka nxjerrë një video të Bashës, Balla pohon se lideri demokrat duhet të shërbejë si dëshmitar i penduar, duke shtuar se kreu demokrat iu detyrohet një përgjigje shqiptarëve të Shqipërisë dhe Kosovës për rolin që ai ka pasur në hetimin e luftës së UÇK.

Sipas Ballës, Basha rezulton të ketë futur në Shqipëri fshehurazi si turist ekspertin e OKB dhe duhet të shërbejë si dëshmitar i penduar kundër shpifjeve e trillimeve ndaj luftës së UÇK.

?Lulezim Basha i detyrohet një përgjigje shqiptarëve në Shqipëri, Kosovë e gjetkë, ku duhet të sqarojë rolin e tij tepër të dyshimtë e tinzar në lidhje me hetimin e luftës së UÇK si dhe në lidhje me të ashtuquajturat ?burgjet e UÇK? në Shqipëri. Jam i bindur që këtë detyrim nuk do ta bëjë, por të paktën tu kthejë përgjigje demokratëve, të cilët duhet të dinë rolin e Kryetarit të tyre de jure në këtë maskaradë anti-kombëtare, ku viktimat e gjenocidit serb po trajtohen si kriminelë, e ku lufta çlirimtare po akuzohet për krime lufte.

Lulezim Basha rezultoka të ketë futur në Shqipëri fshehurazi si turist ekspertin e OKB dhe duhet të shërbejë si dëshmitar i penduar kundër shpifjeve e trillimeve ndaj luftës së UÇK. Në këtë video është gjithçka e qartë?, shkruan Balla. CNA.al/ 





Lajmet e fundit nga