web counter
LEXO PA REKLAMA!

SHKARKO APP

App Store
Google Play

E fundit!

x

“Urimi i Bashës për Biden, i papjekur”/ Evi Kokalari: Ka nevojë për ndihmën e SHBA

10 Nëntor 2020, 09:42, Aktualitet CNA

Aktivistja shqiptare e cila jeton në Shtetet e Bashkuara të Amerikës Evi Kokalari e quajti të gabuar urimin që kreu i PD, Lulzim Basha dërgoi për Joe Biden për fitoren e zgjedhjeve presidenciale.

Sipas Kokalarit, Basha duhet të kishte përdorur logjikën, sepse rezultati final ende nuk është shpallur zyrtarisht.

Aktivistja shqiptare tha se Basha është një nga politikanët shqiptarë që i nevojitet më së shumti mbështetja e Amerikës, duke marrë parasysh zgjedhjet që do të zhvillohen.

?Mua më erdhi keq që i pari që u prononcua ishte Lulzim Basha. Ai është nga të vetmit që ka nevojë ndihmën e Amerikës mometalisht, sidomos duke patur parasysh që e njëjta gjë do i bëhet edhe opozitës në 25 prill. Macron doli nga të parët në Evropë që e uroi Biden. Por Macron dhe Evropa kanë një dëshirë që Trump të ikë sepse Trump i ka bërë shumë dëm Evropës me të gjitha marrëveshjet që kishin. Evropianët nuk e duan Trumpin. Prandaj kam përshtypjen që këtë e kanë bërë kastile që të dalë Macron i pari, pastaj disa të tjerë që të jepet ideja që Biden paska fituar.

Pastaj del edhe Lul Basha. Problemi është që Shqipëria duhet të jetë shumë e kujdesshme me këto gjëra sepse neve na duhet Amerika më shumë seç i duhet Francës, Gjermanisë. Shqipëria po të ketë Amerikën mike të ngushtë, është gjëja më kryesore, sidomos me zgjedhjet që do të vijnë. Personalisht mu duk e papjekur dhe nuk ishte e nevojshme. Duhet të përdorësh logjikën në këtë rast?, tha Evi Kokalari për ?Vizion Plus?.

Si pjesë e kampit të Donald Trump, Evi Kokalari u shpreh se kanë në dorë prova që tregojnë se votat janë vjedhur. Ajo shtoi se është e pashmangshme që t?i drejtohen gjykatës për të kërkuar rinumërimin e votave. CNA.al/ 





Lajmet e fundit nga