web counter
LEXO PA REKLAMA!

SHKARKO APP

App Store
Google Play

E fundit!

x

“Testimet e shpejta do nxjerrin përgjigje për 40 minuta”/ Silva Bino: Përdorimi i maskës, i domosdoshëm

9 Nëntor 2020, 14:56, Aktualitet CNA

Anëtarja e Këshillit Teknik Silva Bino u ka bërë thirrje qytetarëve që të respektojnë masat anti-Covid, si masë për parandalimin e përhapjes së virusit.

Bino u shpreh se përdorimi i maskës është shumë i domosdoshëm, ku theksoj se të shumtë janë ata që nuk e përdorin, duke mos e ditur rëndësinë e saj.

Shefja e epidemiologjisë tha më tej se në vendin tonë do të vijnë edhe testimet e shpejta, të cilat do të nxjerrin rezultatin në pak minuta. Bino tha se këto teste mund të bëhen edhe jashtë laboratorëve.

?Kemi një rritje të incidencës. Edhe përllogaritja tregon që kemi një rritje në fundin e muajit tetor që shkon në 1.3 duke e krahasuar me muajin shtator. Kemi një transmetueshmëri më të lartë. Të gjitha këto shifra në krahasim  me tetorit tregon që kemi një rritje të qarkullimit në vendin tonë. Mbajtja e maskës është shumë e rëndësishme që nuk respektohen nga qytetarët,. Ata e mbajnë maskën në gushë. Maska nuk mbahet në gushë. Do futen testet e shpejta që do të përmirësojë testimin dhe gjurmimin dhe do të ulë kohën e pritjes. Rezultati del për 40 minuta. Mund të kryhen pranë qendrave shëndetësore.

 Janë shume specifike që tregon se nëse testi del pozitiv ai është pozitiv dhe nuk ka pse të konfirmohet. Por mund të kemi fals negativ. Nëse kemi një test negativ që ka shenja klinike duhet të konfirmohet përmes PCR. Ka disa elementë që lehtësojnë punën në terren në drejtim të diagnozës. Duhet të kemi depistime në vende ku ka grumbullime, në fasoneri apo në azile dhe tek personat që kanë rrisk. Këto janë elementë shumë të rëndësishme të testimit të shpejtë.

Kjo do të na lehtësojë punën në terren. Testimi pasohet me izolim dhe karantinë. Nëse marrim përgjigjen shpejt duhet të zbatohet karantina. Ata që janë të infektuar me Covid-19 të mos dalin në kafe pasi kjo është në dëm dhe rrit transmetueshmërinë. Ka elemente përmes të cilës ne jemi përpjekur ta ndjekim, përmes policiës. Por përgjegjëshmëria vetjake është shumë e rëndësishme.

Heqja e ritestimeve është hequr pasi ka rezultuar se personat që janë pozitivë nuk e transmetojnë sëmundjen. Këta persona nuk janë më infektues. Në ditën e 14 ata mendohen se nuk janë më infektues. Në persona që janë me rrisk ritestimi do të vendoset në bazë të një protokolli. Kjo është një barrë që i hiqet sistemi dhe i shtohet depistimit të popullatës për ta mbrojtuar atë?, tha Bino. CNA.al/ 





Lajmet e fundit nga