web counter
LEXO PA REKLAMA!

SHKARKO APP

App Store
Google Play

“Sistemi në shëndetësi drejt kolapsit total”/ Erion Dasho: Qeveria duhet të ndalojë propagandën

9 Nëntor 2020, 08:56, Aktualitet CNA

Eksperti i Shëndetit Publik Erion Dasho ka ngritur alarmin sa i takon situatës së Covid në vendin tonë.

Përmes një postimi në rrjetin social, Dasho shkruan se muaji nëntor ka hyrë i frikshëm, ku janë shënuar shumë raste të reja me koronavirus, duke shtuar se nëse vazhdohet me këto ritme në sistemine  shëndetësisë do të ketë një kolaps të plotë.

Eksperti i Shëndetit Publik akuzon qeverinë dhe Ministrinë e Shëndetësisë se përmes propagandës po ndikojnë në përhapjen e koronavirusit.

Sipas Erion Dashos, mesatarja e raportuar këtë fillim muaji është shumë më e lartë se ajo që është raportuar muajin e kaluar.

?Jeta në Shqipëri vazhdon sikur asgjë të mos jetë duke ndodhur. Deklaratat zyrtare se ?gjithçka është nën kontroll? krijojnë një siguri të rreme e cila i hedh edhe më tepër benzinë zjarrit të epidemisë pasi ?në se gjithçka është në kontroll, pse duhet të kujdesen qytetarët??!!?

Ministrja e Shëndetësisë publikon statuse me gjyshë që fitojnë shikimin në sajë të një lenteje që blihet ca dhjetëra euro dhe harron gjyshët e tjerë për të cilët familjarët po shpenzojnë mijëra euro për ilaçe dhe oksigjen.

Ndërkohë muaji nëntor ka hyrë i frikshëm! Me një numër mesatar rastesh mbi 400 në ditë (416 për saktësi) nëntori ka shkaktuar mbushjen e shpejtë të shtretërve spitalorë. Mesatarja ditore e vdekjeve të raportuara ka arritur 6.3 ose 60% më tepër se mesatarja e tetorit.

Në se tendenca vazhdon e papenguar, për pak ditë rrezikohet kolapsi i plotë i sistemit!

A po mendon dikush të veprojë?!

A kemi shtet?!?, shkruan Erion Dasho. CNA.al. 





Lajmet e fundit nga