Thanë se ka blerë vilë luksoze/ Rrëfehet Elvis Naçi: Ja si qëndron e vërteta

8 Nëntor 2020, 22:33, Aktualitet CNA

Imami Elvis Naçi ka reaguar pas akuzave se ka blerë një vilë luksoze, ku po jeton aktualisht me familjen e tij.

Naçi rrëfeu se banesa ku ai po jeton është marrë me qira dhe nuk është e tij, por jeton në një prej pesë partamenteve që ka banesa.

Imami tha se banesa ku ai ka jetuar më parë është në zonën e Ali Demit dhe prej aty është larguar menjëherë pasi ra tërmeti, pasi një prej fëmijëve të tij është frikësuar dhe nuk ka pranuar të shkojë më në atë shtëpi.

Sipas tij, në apartamentin ku po jeton aktualisht do të jetë përkohësisht dhe pretendon se në të njëjtën banesë jetojnë edhe familje të tjera.

?Shtëpia ku kam jetuar para tërmetit ka qenë shtëpia që është në emrin e nënës time. Ka qenë shtëpia ku kam jetuar historikisht nga nëna. Biles është në tokën e nënës time dhe me thënë të drejtën unë kam lindur dhe jam rritur në Ali Dem. Të ma shtrojnë me flori në një tjetër nuk kisha ikur kurrë sepse kur je lindur dhe je rritur në një lagje janë familja e shoqëria të gjitha. Xhaminë e kam 100 metra me shtëpinë ku kam jetuar.

Mbasi ndodh tërmeti, njëri nga fëmijët është traumatizuar. Edhe sot e kësaj dite flemë me derën hapur se ka frikë nga tërmeti se tërmetet vijuan në vazhdimësi. Dhe unë një muaj kam fjetur afër kësaj shtëpie në një hotel sepse nuk pranonte djali të hynte në shtëpi sepse i ishte kthyer në fobi, ishte trembur shumë.

Unë nga atje jam detyruar të dal në këtë shtëpi, e cila është një apartament si atje. Në këtë vend ku është shtëpia ime aktuale? Ishallah do ta kem një ditë me pishina, por kjo nuk është, ishallah na e jep zoti një ditë. Aty janë rreth pesë apartamente dhe unë kam një dhe në apartamentet tjera jetojnë njerëz tjerë. Është qesharake, janë aq shpifje të rëndomta sa unë nuk jam marrë, por sot në bazë të këtyre artikujve që kanë dalë ne po flasim.

Jetoj me qira se nuk ka lidhje me mua. Ky njeri që do të shkruajë dhe ka pas njerëz të tjerë, e ka shumë të thjeshtë, shko në hipotekë dhe shikoje kush është pronari. Interesante është që ai është një apartament dhe nuk është i imi, është me qira dhe aty do jetoj përkohësisht. Aty jetojnë edhe 3-4 persona të tjerë në apartamentet tjera?, u shpreh ai në emisionin n?Kosovë Show./ CNA.al