web counter
LEXO PA REKLAMA!

SHKARKO APP

App Store
Google Play

E fundit!

x

Mjekët apelojnë për respektim të masave/ Thirrje për mospërdorim të antibiotokëve në shtëpi

10 Nëntor 2020, 09:30, Aktualitet CNA

Situata e rëndë që është krijuar për shkak të koronavirusit nuk ka sjellë asnjë reflektim tek qytetarët për zbatimin e masave.

Epidemiologu Ilir Alimehmeti ripërsëriti nevojën e mbajtjes së distancës dhe evitimit të grumbullimeve si një masë e nevojshme për të shmangur infektimin dhe përhapjen e virusit, duke shtuar se një pjesë e konsiderueshme e rasteve vijnë si rezultat i infektimeve familjare.

?Është parë që si Shqipëri e tërë jemi në transmetim me grupe, Tirana është qartësisht transmetim komunitar. Përpara shkollave ka grumbullime, kur kalojmë para një gjimnazi jashtë mund të jenë 200 vetë duke ndenjur bashkë. Distanca dhe evitimi i grumbullimeve është absolutisht kyçe. Çdo gjë tjetër vjen në rend të dytë apo të tretë, sepse ajo që vëmë re janë pothuajse gjysma e rasteve janë infektime familjare. Ndërkohë që jashtë shikojmë situata nga më të ndryshme, grumbullime të panevojshme, situata si përdorimi i autobusit pa maskë, ka gjithashtu vende punë të cilat janë të papërshtattshme për këtë situatë.?, tha epidemiologu për ?ABC News?.

Po ashtu, për situatën e Covid foli edhe pneumologu Arjan Mezini, i cili apeloi qytetarët të tregojnë kujdes me antibiotikët, duke këshilluar mospërdorimin e tyre në kushte shtëpie.

?Doja t?ju bëja thirrje qytetarëve se kjo është një virozë dhe si çdoo virozë duhet të kuptojmë se nuk ka mjekim. Doja të bëja thirrje që antibiotikë të mos përdorin sepse nuk ka asnjë lloj ndikimi. Kjo nuk është temperaturë bakteriale por virale dhe antibiotiku nuk ka asnjë lloj efekti.

Duhet të përdoret vetëm në spital, në bazë të një ekzaminimi që bëhet çdo ditë që vë në pak riskun për të kaluar në një infeksion bakterial. Në kushte shtëpie nuk duhet të përdoret.?, tha Mezini për ?ABC News?.





Lajmet e fundit nga