web counter
LEXO PA REKLAMA!

SHKARKO APP

App Store
Google Play

E fundit!

x

Mori postin e Presidentes/ Osmani: Në këtë kohë na duhet lidership i fuqishëm

5 Nëntor 2020, 17:41, Kosova & Bota CNA

Presidentja e Përkohshme e Kosovës, Vjosa Osmani, deklaroi se tha se Kosova po kalon nëpër kohë të vështira dhe kërkon lidership të fuqishëm dhe përgjigje të unifikuar shtetërore.

Pas marrjes së detyrës, pasi Hashim Thaçi dha dorëheqje nga posti i presidentit, për shkak të konfirmimit të aktakuzës për krime lufte, Osmani tha se Kosova gjendet në një kohë të vështirë dhe bëri thirrje për unitet.

?Angazhimi ynë për shtet ligjor na ka përballur me sfida të rënda, por ne nuk kemi hequr dorë nga përkushtimi për konsolidim të shtetit dhe për kultivim të vlerave demokratike. Pavarësisht sfidave ne kemi qëndruar fortë në besimin tonë, të cilin ju thërras ta dëshmojmë edhe në këto momente të vështira?, u shpreh ajo.

Sipas saj, qytetarët duhet të dëshmojnë unitet dhe besnikëri ndaj Republikës.

?Vendi ynë ka kaluar sfida të shumta gjatë historisë përfshirë edhe luftën e fundit, prandaj duhet të ushtrojmë me maturi përgjegjësitë institucionale dhe ta forcojmë qëndrueshmërinë e shtetit tonë sepse shteti bëhet i fortë edhe kur përballet me sfida, duke i tejkaluar ato dinjitetshëm?, tha Osmani.

Osmani tha se vlerëson të gjithë ata që iu përgjigjën ftesës së Dhomave të Specizuara, duke thënë se këto veprime dëshmojnë ?besim të palëkundur në drejtësi?.

?Ne jemi të vetëdijshëm se veprimet e Dhomave të Specializuara janë rrjedhojë e obligimeve shtetërore të cilat Kosova i ka pranuar. Proceset që vijnë pas, nuk do ta dëmtojnë projektin tonë kombëtar për liri, i cili është ndërtuar mbi sakrificën e brezave të tërë dhe gjakun e derdhur të ushtrisë sonë çlirimtare?, tha Osmani./ CNA.al





Lajmet e fundit nga